Accessibility links

پـۆلیسی نێوده‌وڵه‌تی هۆشـداری ده‌دات له‌ باره‌ی هه‌ڵاتنی زیندانکراوه‌کانی عێراق


پـۆلیسی نێوده‌وڵه‌تی ئنته‌رپـول ڕۆژی چوارشه‌ممه‌ ئاگاداریـیه‌کی بۆ سه‌رانسه‌ری جیهان بڵاوکرده‌وه‌ و تیایدا هۆشـداری ده‌دات له‌ هه‌ڵاتنی به‌ سه‌دان زیندانکراوی مه‌ترسیدار له‌ دوو به‌ندیخانه‌ی عێراقدا.
ئنته‌رپـوڵ ده‌ڵێت ئه‌م ڕاگه‌یاندنه‌ی له‌سه‌ر داوای حکومه‌تی عێراق بووه‌ که‌ گوتویه‌تی هه‌ندێـک له‌و سه‌دان زیندانیکراوه‌ی هه‌ڵاتوون، ئه‌ندامی گه‌وره‌ی ئه‌لقاعیده‌ بوون و حوکمی له‌سێداره‌دانیان بۆ ده‌رچووه‌.
پاشـان ئنته‌رپـوڵ ده‌ڵێت ڕاسته‌وخۆ له‌گه‌ڵ ئۆفیسی خۆی له‌ به‌غدا کارده‌کات بۆ کۆکردنه‌وه‌ی زانیاری له‌سه‌ر هه‌ڵاتووه‌کان، له‌وانه‌ وێنه‌ و مۆری په‌نجه‌کانیان.
XS
SM
MD
LG