له‌شکری تورکیا ده‌ڵێت له‌ سه‌ری کانیـیه‌وه‌ ته‌قه‌ له‌ وڵاته‌که‌ی کراوه‌ و وه‌ڵامیان داوه‌ته‌وه‌

کاربه‌ده‌سـتان له‌ تورکیا ڕۆژی چوارشه‌ممه‌ گوتیان پاش ئه‌وه‌ی که‌سێـک کوژرا و 2 که‌سی دیکه‌ برینداربوون له‌ شـارۆرچکه‌ی جه‌یلان پـنه‌ر به‌ گولـله‌ی وێڵی له‌ دیوی سوریاوه‌ هاتبوون، هێزه‌کانی له‌شـکری وڵاته‌که‌یان وه‌ڵامیان داوه‌ته‌وه‌.
له‌شـکری تورکیا گوتی له‌ شـارۆچکه‌ی سه‌ری کانی ته‌قه‌ کراوه‌ و گولـله‌کان به‌ر بنکه‌یه‌کی پـۆلیس و چه‌ند ماڵێـک له‌ جه‌یلان پـنه‌ر که‌وتوون.‌
جێی ئاماژه‌یه‌ سه‌ری کانی و جه‌یلان پـنه‌ر هه‌تا سه‌رده‌می عوسمانیـیه‌کان یه‌ک شـارۆچکه‌ بوون، به‌ڵام پاش جه‌نگی جیهانی یه‌که‌م دوو که‌رت کرا.