Accessibility links

سه‌رۆک وه‌زیری کاتی میسر که‌سێـکی لیبڕاڵی بۆ جێـگری خۆی کاندید ده‌کات


ئاژانسی ده‌نگ‌وباسی ڕۆیته‌رز ده‌ڵێت سه‌رۆک وه‌زیری کاتی میسر حازم ئه‌لببلاوی ڕۆژی هه‌ینی گوتویه‌تی پارێزه‌ر زیاد به‌هادین ئه‌ندامی پارتی میسری دیموکراتی کۆمه‌ڵایه‌تی وه‌ک جێـگری خۆی بۆ کاروباری ئابوری کاندیدکردووه‌ و ئێستا له‌ وتووێژدایه‌ له‌گه‌ڵ که‌سایه‌تی دیکه‌ بۆ پـێـکهێنانی حکومه‌ته‌که‌ی.
پارتی میسری دیموکراتی کۆمه‌ڵایه‌تی له‌ سـاڵی 2011 وه‌ دامه‌زراوه‌ و ڕه‌وتێـکی لیبڕاڵی گرتووه‌ته‌به‌ر.
هاوکات به‌ ده‌یان هه‌زار لایه‌نگری محه‌مه‌د مورسی سه‌رۆکی له‌ ده‌سه‌ڵات لادراو له‌ مه‌یدانه‌ سه‌ره‌کیـیه‌کانی چه‌ندین شـاری وڵاته‌که‌ گردبوونه‌وه‌، له‌وانه‌ له‌ مه‌یدانی ڕابعه‌ ئه‌لعه‌ده‌ویـیه‌ له‌ ڕۆژهه‌ڵاتی قاهیره‌.
خۆپـیشـانده‌ران لابردنی مورسیـیان به‌ کوده‌تای سه‌ربازی ناودێرکرد و داوای گه‌ڕاندنه‌وه‌یان ده‌کرد.
گردبوونه‌وه‌ی لایه‌نگرانی مورسی له‌سه‌ر داوای هاوپه‌یمانی نیشـتیمانی میسر بۆ پشـتگیریکردن له‌ شه‌رعیـیه‌ت بوو. ئه‌م هاوپه‌یمانیـیه‌ له‌ ژماره‌یه‌ک پارت و بزوتنه‌وه‌ی میسری پـێـکهاتووه‌.
XS
SM
MD
LG