له‌شـکری ئازادی سوریا ده‌ڵێت فه‌رمانده‌یه‌کیـیان به‌ ده‌سـتی قاعیده‌ کوژراوه‌

له‌شـکری ئازادی سوریا ده‌ڵێت چه‌کدارانی ده‌وڵه‌تی شام و عێراقی سه‌ر به‌ ئه‌لقاعیده‌ محه‌مه‌د که‌مال ئه‌لحه‌مامی ئه‌ندامی ئه‌نجومه‌نی باڵا و فه‌رمانده‌ی هێزی ئه‌لعز بن عه‌بدولسه‌لامی له‌شـکری ئازادیان کوشتووه‌.
قاسم سه‌عده‌دین گوته‌بێژی له‌شـکری ئازاد ڕۆژی هه‌ینی گوتی که‌سانی سه‌ر به‌و کۆمه‌ڵه‌ توندڕه‌وه‌ی ئه‌لقاعیده‌ په‌یوه‌ندیـیان پـێوه‌ کردوون و به‌رپـرسیارێتی خۆیان له‌ کوشتنی حه‌مامی ڕاگه‌یاندووه‌ و هه‌روه‌ها هه‌ڕه‌شه‌یان کردووه‌ هه‌موو ئه‌ندامانی باڵای ئه‌نجومه‌نی له‌شـکری ئازاد ده‌کوژن.
گوتیشی حه‌مامی چووبوو بۆ کۆبوونه‌وه‌ له‌گه‌ڵ ئه‌ندامانی ئه‌و کۆمه‌ڵه‌یه‌ له‌ ناوچه‌ گوندیـیه‌کانی لازقیـیه‌، به‌ڵام ئه‌وان کوشـتوویانه‌.