9 ئۆتۆمبیلی بۆمبڕێژکراو له‌ به‌غدا ده‌ته‌قێنه‌وه‌ و ده‌یان کوژراو و برینداریان لێده‌که‌وێته‌وه‌

ئه‌مڕۆ دووشه‌ممه‌ 9 ئۆتۆمبیلی بۆمبڕێژکراو له‌ به‌غدای پایته‌ختی عێراق ته‌قیونه‌ته‌وه‌ و بوونه‌ته‌ مایه‌ی گیان له‌ ده‌سـتدانی به‌ لایه‌نی که‌م 17 که‌س و برینداربوونی 67 که‌س.
گه‌ڕه‌کی وه‌حده‌، له‌ نزک گه‌راجی ئه‌مانه‌ ئۆتۆمبیلێـک ته‌قیوه‌ته‌وه‌ و له‌ ئاکامدا 2 که‌س کوژراون و 7 که‌س برینداربوون.
گه‌ڕه‌کی که‌ڕاده‌ خاریج، ته‌قینه‌وه‌که‌ پاش نێوه‌ڕۆی ئه‌مڕۆ بووه‌ له‌ نزیک بازاڕی وه‌رده‌ و له‌ ئاکامدا 3 که‌س کوژراون و 11 که‌سیش برینداربوون.
شوڕته‌ ئه‌لڕابعه‌ له‌ باشوری ڕۆژئاوای به‌غدا، ئۆتۆمبیله‌که‌ له‌ دووڕیانی ناوچه‌که‌ ته‌قیوه‌ته‌وه‌، به‌ لایه‌نی که‌م 2 که‌س کوژراون و 10 که‌سی دیکه‌ برینداربوون.
ناوچه‌ی حوسینیـیه‌ له‌ باکوری ڕۆژهه‌ڵاتی به‌غدا، ته‌قینه‌وه‌ی ئه‌م ئۆتۆمبیله‌ش بووه‌ته‌ مایه‌ی کوژرانی 4 که‌س و برینداربوونی 8 که‌سی دیکه‌.
ناوچه‌ی مه‌عالف، ته‌قینه‌وه‌که‌ له‌ ئێواره‌دا بووه‌، که‌سێـکی کوشتووه‌ و 11 که‌سیشی بریندارکردووه‌.
به‌غداد جدیده‌، ته‌قینه‌وه‌که‌ لای مزگه‌وتی ئه‌لسامڕائی له‌ نزیک بازاڕدا بووه‌، که‌سێـک کوژراوه‌ و 8 که‌سیش برینداربوون.
حه‌ی جیهاد، دوو ئۆتۆمبیلی بۆمبڕێژکراو له‌ نزیک بازاڕی ناوچه‌که‌دا ته‌قیونه‌ته‌وه‌ و بوونه‌ته‌ مایه‌ی گیان له‌ده‌سـتدانی 3 که‌س و برینداربوونی 10 که‌س.
ناوچه‌ی نه‌هراوانی ده‌ره‌وه‌ی به‌غدا، ته‌قینه‌وه‌که‌ کوژرانی که‌سێـک و برینداربوونی 6 ی که‌سی دیکه‌ی لێـکه‌وتووه‌ته‌وه‌.