Accessibility links

دکتۆر به‌نگی حاجۆ : مانه‌وه‌ی ڕژێمی سوریا باشتره‌ وه‌ک له‌وه‌ی کۆمه‌که‌ له‌شکریه‌کان بکه‌ونه‌ ده‌ستی جیهادیه‌کانه‌وه‌


وڵاتانی ڕۆژئاوا و عه‌ره‌بیش له‌ کۆبوونه‌وه‌که‌ی دۆحه‌دا ڕێکه‌وتوون له‌سه‌ر کۆمه‌کی به‌ په‌له‌ی که‌ره‌سته‌ی له‌شکریی بۆ سه‌رهه‌ڵداوانی سوریا.

له‌ دواترین ڕاگه‌یاندنی کۆبوونه‌وه‌که‌ی کۆمه‌ڵه‌ی وڵاتانی دۆستی سوریادا به‌شداربووان دژی ده‌ستێوه‌ردانه‌کانی ئێران و حیزبوڵای لوبنان و هه‌روه‌هاش توندڕه‌وانی عێراقی له‌ کاروباری سوریادا وه‌ستاونه‌ته‌وه‌ و داوای کشانه‌وه‌ی ده‌سبه‌جێی ئه‌و توندڕه‌وانه‌ کراوه‌.

دکتۆر به‌نگی حاجۆ، نوسه‌ری سیاسی ده‌ڵێت هه‌وڵه‌کانی ئه‌و کۆبوونه‌وه‌یه‌ی دۆحه‌ زیاتر به‌ مه‌به‌ستی تۆکمه‌ کردن و قایلکردنی ئۆپزسیۆنه‌کانی سوریا بوون تا به‌شداری له‌ کۆنفرانسه‌که‌ی ژنێڤدا بکه‌ن که‌ هه‌تا ئێستا ڕۆژێکی بۆ دیارنه‌کراوه‌.

دکتۆر حاجۆ ده‌شڵێت له‌وبڕوایه‌دا نییه‌ دابینکردنی چه‌ک و ته‌قه‌مه‌نی بۆ ئۆپزسیۆنه‌کانی سوریا ببێته‌ مایه‌ی هێنانه‌ ئارای هاوسه‌نگیه‌ک له‌سه‌ر زه‌مین له‌و ڕوانگه‌یه‌وه‌ی ڕوسیا و وڵاتانی تری وه‌ک ئێرانیش چه‌ک و ته‌قمه‌نی و پێداویستی تری له‌شکری بۆ ڕژێمه‌که‌ی سوریا دابین ده‌که‌ن و ئه‌مه‌ش وه‌ها ده‌کات که‌ شه‌ڕی سوریا زیاتر درێژه‌ بکێشێت.

به‌ڵێن ساڵح وتووێژی له‌گه‌ڵ نوسه‌ری سیاسی دکتۆر به‌نگی حاجۆ کردووه‌.

زانیاری زیاتر له‌ ده‌قی وتووێژه‌که‌دایه‌:

please wait

No media source currently available

0:00 0:07:05 0:00
Direct link
XS
SM
MD
LG