Accessibility links

شه‌ڕ و پـێـکدادانی قورس له‌ نزیک مه‌زاری سه‌یده‌ زه‌ینه‌ب له‌ باشوری پایته‌ختی سوریا ڕووده‌دات


کۆمه‌ڵه‌ی چاودێری مافه‌کانی مرۆڤی سوریا بنکه‌ له‌ به‌ریتانیا ده‌ڵێت ئه‌مڕۆ چوارشه‌ممه‌ شه‌ڕ و پـێـکدادانی توند له‌ نێوان سه‌رهه‌ڵـداوان و هێزه‌کانی حکومه‌ت ڕوویانداوه‌ له‌ ده‌وروبه‌ری مه‌زاری سه‌یده‌ زه‌ینه‌ب له‌ باشوری دیمه‌شقی پایته‌خت.
کۆمه‌ڵه‌که‌ ده‌ڵێت شه‌ڕه‌که‌ له‌ نزیک نه‌خۆشـخانه‌ی خومه‌ینی بوو له‌ شـارۆچکه‌ی زیابـیه‌ی (الذيابية) نزیک مه‌زاره‌که‌. ده‌شڵێت هێزه‌کانی حکومه‌ت تۆپـبارانێـکی قورسی ناوچه‌که‌ ده‌که‌ن.
هاوبه‌ندی نیشـتیمانی ئۆپـۆزسیۆنی سوریا ئاگاهی داوه‌ له‌وه‌ی ڕه‌نگه‌ کاره‌ساتێـکی مرۆیی‌ ڕووبدات. ده‌ڵێت هێزه‌کانی به‌شـار ئه‌سه‌د به‌ پاڵپـشـتی ده‌یان تانک و زرێـپـۆش و چه‌کدارانی شیعه‌ی حزبوڵڵا و عێراق گه‌مارۆی ناوچه‌که‌یان داوه‌ که‌ ده‌یان هه‌زار که‌سی سیڤیلی تیادا ده‌ژی.
شیعه‌کان مه‌زاری سه‌یده‌ زه‌ینه‌ب به‌ شوێنێـکی پـیرۆزی خۆیانی داده‌نێن.
XS
SM
MD
LG