به‌هۆی توندوتیژی له‌ پاکستان به‌لایه‌نی که‌م 24 که‌س ده‌کوژرێن

پۆلیسی پاکستان ڕاده‌گه‌ێنن به‌هۆی زنجیره‌یه‌ک هێرشی چه‌کداری و ته‌قینه‌وه‌ له‌ هه‌رێمی بلوچستانی باشوری ڕۆژئاوای پاکستان به‌لاینه‌ که‌م 24 که‌س کوژراون.
دووان له‌و هێرشانه‌ی ڕۆژی شه‌ممه‌ له‌ شاری کوه‌یته‌ی پایته‌ختی هه‌رێمه‌که‌ ڕوویدا. له‌ یه‌که‌م ڕووداودا بۆمبێک به‌ پاسێکدا ته‌قییه‌وه‌ که‌ خوێندکاری مێینه‌ی زانکۆی تێدابوو، به‌لایه‌نی که‌م 14 که‌س کوژران.
لێکۆله‌ران ده‌ڵێن نزیکه‌ی 20 که‌سیش له‌ هه‌مان ڕووداودا بریندار بوون کاتێک پاسه‌که‌ به‌هۆی بۆمبه‌که‌وه‌ گڕی گرت. پۆلیس ده‌ڵێت پاشان چه‌ند بۆمبێکیش له‌و نه‌خۆشخانه‌یه‌دا ته‌قینه‌وه‌ که‌ زۆربه‌ی قوربانییه‌کان برابوون بۆ ئه‌وێ.