پاش ئه‌وه‌ی چه‌ند ڕۆژێـکه خۆپـیشـاندانی ناڕه‌زایی له دژی حکومه‌تی تورکیا شـاری ئسته‌نبوڵی گرتووه‌ته‌وه، سه‌رۆک وه‌زیری ئه‌و وڵاته ڕه‌جه‌ب ته‌یب ئه‌ردۆغان ئه‌مڕۆ دووشه‌ممه به‌ر له‌وه‌ی به‌ره‌و وڵاتی مه‌غریب به‌ڕێبکه‌وێت، داوای ئارامی له خه‌ڵـکی کرد و گوتی ئه‌م ناڕه‌زایـیانه که‌سـانی توندڕه‌وی له پشـته‌وه‌یه.
خۆپـیشـاندانه‌کان له ڕۆژی هه‌ینیـه‌وه ده‌سـتپـێـکرد بۆ ده‌ربڕینی ناڕه‌زایی به‌رامبه‌ر پـلانێـکی حکومه‌ت بۆ تێـکدانی پارکی ته‌قسیمی ئسته‌نبوڵ به مه‌به‌سـتی دروسـتکردنی سه‌ربازه‌گه‌یه‌کی شێوازی سه‌رده‌می عوسمانیـیه‌کان له شوێنی له‌گه‌ڵ ناوه‌ندێـکی ڕۆشنبیری و بازرگانیدا.
به‌یانی ئه‌مڕۆ پارکه‌که ئارام بوو، به‌ڵام هێشـتا دروشمه‌کانی دژی حکومه‌تی لێ به‌رزکراونه‌ته‌وه و ئاسه‌واری ئه‌و چه‌ند ڕۆژه‌ی ڕابردووی خۆپـیشـاندانه‌کانی پـێوه دیاره.
به‌ڵام هێزه‌کانی پـۆلیس له ئسته‌نبوڵ و ئانکه‌ره گازی فرمێسـک ڕێژیان به‌کارهێناوه بۆ بڵاوه‌پـێکردنی خۆپیشـانده‌رانه‌ی به ئاڕاسته‌ی هه‌ردوو ئۆفیسی سه‌رۆک وه‌زیر ئه‌ردۆغان له‌و دوو شـاره‌دا ڕێـپـێوانیان ده‌کرد.
ڕۆژی یه‌کشه‌ممه وه‌زاره‌تی ناوخۆی تورکیا ڕایگه‌یاند که‌وا له هه‌فته‌ی ڕابردووه‌وه زیاتر له1700 که‌س ده‌سـتگیرکراون، به‌ڵام زۆربه‌یان له دوایـیدا ئازادکراون.
سه‌باره‌ت به‌م ناڕه‌زایـیانه و لێـدوانه‌کانی ئه‌ردۆغان، به‌ڵێن سـاڵح له به‌شی کوردی ده‌نگی ئه‌مه‌ریکا ڕاپـۆرتێـکی ئاماده‌کردووه و هه‌روه‌ها په‌یامنێرمان له ئسته‌نبوڵ سـاڵح تۆران ئه‌ویش ڕاپـۆرتی ناردووه.
![خۆپـیشـاندانه ناڕه‌زایـیه‌کانی تورکیا]()
Photo Gallery:
خۆپـیشـاندانه‌کان له ڕۆژی هه‌ینیـه‌وه ده‌سـتپـێـکرد بۆ ده‌ربڕینی ناڕه‌زایی به‌رامبه‌ر پـلانێـکی حکومه‌ت بۆ تێـکدانی پارکی ته‌قسیمی ئسته‌نبوڵ به مه‌به‌سـتی دروسـتکردنی سه‌ربازه‌گه‌یه‌کی شێوازی سه‌رده‌می عوسمانیـیه‌کان له شوێنی له‌گه‌ڵ ناوه‌ندێـکی ڕۆشنبیری و بازرگانیدا.
به‌یانی ئه‌مڕۆ پارکه‌که ئارام بوو، به‌ڵام هێشـتا دروشمه‌کانی دژی حکومه‌تی لێ به‌رزکراونه‌ته‌وه و ئاسه‌واری ئه‌و چه‌ند ڕۆژه‌ی ڕابردووی خۆپـیشـاندانه‌کانی پـێوه دیاره.
به‌ڵام هێزه‌کانی پـۆلیس له ئسته‌نبوڵ و ئانکه‌ره گازی فرمێسـک ڕێژیان به‌کارهێناوه بۆ بڵاوه‌پـێکردنی خۆپیشـانده‌رانه‌ی به ئاڕاسته‌ی هه‌ردوو ئۆفیسی سه‌رۆک وه‌زیر ئه‌ردۆغان له‌و دوو شـاره‌دا ڕێـپـێوانیان ده‌کرد.
ڕۆژی یه‌کشه‌ممه وه‌زاره‌تی ناوخۆی تورکیا ڕایگه‌یاند که‌وا له هه‌فته‌ی ڕابردووه‌وه زیاتر له1700 که‌س ده‌سـتگیرکراون، به‌ڵام زۆربه‌یان له دوایـیدا ئازادکراون.
سه‌باره‌ت به‌م ناڕه‌زایـیانه و لێـدوانه‌کانی ئه‌ردۆغان، به‌ڵێن سـاڵح له به‌شی کوردی ده‌نگی ئه‌مه‌ریکا ڕاپـۆرتێـکی ئاماده‌کردووه و هه‌روه‌ها په‌یامنێرمان له ئسته‌نبوڵ سـاڵح تۆران ئه‌ویش ڕاپـۆرتی ناردووه.
خۆپـیشـاندانه ناڕه‌زایـیه‌کانی تورکیا
چه‌ند ڕۆژێـکه خۆپـیشـاندانی ناڕه‌زایی شـاری ئسته‌نبوڵ و ئانکه‌ره‌ی پایته‌ختی تورکیای گرتووه له‌سه‌ر پـلانێـکی حکومه‌ت بۆ تێـکدانی پارکی ته‌قسیمی ئسته‌نبوڵ و پاشـان دروسـتکردنی چه‌ند بینایه‌ک له شوێنه‌که‌یدا.