سێ که‌سی دیکه‌ له‌ عه‌ره‌بسـتانی سعودیـیه‌ به‌ نه‌خۆشی کۆرۆنا گیانیان له‌ده‌سـت ده‌ده‌ن

وه‌زاره‌تی ته‌ندروسـتی عه‌ره‌بسـتانی سـعودی ده‌ڵێت 3 که‌سی دیکه‌ به‌ نه‌خۆشی ئاکامی ئه‌و ڤایرۆسه‌ گیانیان له‌ده‌سـتداوه‌ که‌ له‌ ڤایرۆسی سـارسه‌وه‌ نزیکه‌ و له‌ کۆئه‌ندامی هه‌ناسه‌ ده‌دات، به‌مه‌ش ژماره‌ی قوربانیـیانی ئه‌م نه‌خۆشیـیه‌ له‌ جیهاندا گه‌یشته‌ 30 که‌س.
ده‌ڵێن قوربانیـیه‌کان ته‌مه‌نیان له‌ نێوان 24 بۆ 60 سـاڵ بووه‌ و مانگێـکه‌ له‌ نه‌خۆشخانه‌ که‌وتوون، به‌ڵام نه‌خۆشیـیه‌که‌ کاری کردووه‌ته‌ سه‌ر به‌شه‌ هه‌سـتیاره‌کانی جه‌سـته‌یان، له‌وانه‌ گورچیله‌یان.
هه‌روه‌ها وه‌زاره‌ته‌که‌ گوتی له‌ ئێسـتادا ژماره‌ی ئه‌وانه‌ی له‌ وڵاته‌که‌یاندا تووشی نه‌خۆشی ڤایرۆسی کۆرۆنا بوون گه‌یشـتووه‌ته‌ 38 که‌س.
ڕێـکخراوی ته‌ندروسـتی جیهانی ده‌ڵێت ئه‌م ڤایرۆسه‌ یه‌که‌م جار له‌ ڕۆژهه‌ڵاتی ناوه‌ڕاسته‌وه‌ سه‌ری‌هه‌ڵداوه‌ و زیاتر له‌ 49 که‌س له‌ سه‌رانسه‌ری جیهاندا تووشی بوون.
جێی ئاماژه‌یه‌ ئه‌م نه‌خۆشیـیه‌ له‌ ڕۆژئاوا به‌ MERS یش ده‌ناسرێت که‌ کورتکراوه‌ی
Middle East respiratory syndrome coronavirus .