Accessibility links

یه‌کێتی ئافریکا یادی 50 ساڵه‌ی دامه‌زراندنی ده‌کاته‌وه‌


وه‌زیری ده‌ره‌وه‌ی ئه‌مه‌ریکا جان کێری یه‌کێکه‌ له‌و که‌سایه‌تییانه‌ی له‌ سه‌رانسه‌ری جیهانه‌وه‌ له‌ پایته‌ختی ئیتیۆپیا کۆبونه‌وه‌ به‌بۆنه‌ی یادی 50 ساڵه‌ی دامه‌زراندنی یه‌کێتی ئا‌فریکا.
له‌ ده‌ستپێکی ڕێوڕه‌سمه‌که‌ی ئه‌دیس ئابابا له‌ ڕۆژی شه‌ممه‌ به‌ڕێوه‌به‌ری یه‌کێتی ئافریکاو سه‌رۆکی ئیتیۆپیا داوای له‌ ڕێبه‌رانی دیکه‌ی ئافریکا کرد هه‌وڵ بده‌ن هه‌ژاری له‌ کیشوه‌ره‌که‌دا نه‌هێڵن.
به‌ر له‌ ڕێوڕه‌سمه‌که‌ جان کێری داوای له‌ نایجیریا کرد توندڕه‌وه‌ ئیسلامییه‌کانی وڵاته‌که‌ی سه‌رکوت بکات. جان کێری گوتی نایجیریا مافی ئه‌وه‌ی هه‌یه‌ به‌رگری له‌ خۆی دژ به‌ تیرۆرستان بکات، به‌ڵام نیگه‌رانیشی ده‌ربڕی له‌مه‌ڕ شیانی پێشێلکردنی مافی مرۆڤ له‌لایه‌ن هێزه‌کانی حکومه‌ته‌وه‌.
له‌ ڕۆژی هه‌یه‌نی وه‌زاره‌ته‌ی ده‌ره‌وه‌ی ئه‌مه‌ریکا ڕایگه‌یاند نیگه‌رانه‌ له‌مه‌ڕ به‌رپه‌چی زۆر توندی هێزه‌کانی نایجیریا له‌ شه‌ڕی دژ به‌ ملیتانه‌کان له‌ باکوری وڵاته‌که‌دا.
XS
SM
MD
LG