به‌ هێرشێـکی خۆکوژی له‌ پاکسـتان 3 که‌س ده‌کوژرێن

کاربه‌ده‌ستان له‌ باکوری ڕۆژئاوای پاکستان ده‌ڵێن هێرشبه‌رێکی خۆکوژ ئۆتۆمبێلی ڕێبه‌رێکی ئاینی کردۆته‌ ئامانج و 3 که‌سی کوشتووه‌.

ده‌سه‌ڵاتداران ده‌ڵێن ڕێبه‌ری ئاینی ئه‌فغانستانی حاجی حه‌یاتوڵا له‌ ئۆتۆمبێله‌که‌دا نه‌بووه‌ کاتێک ئه‌مڕۆ هه‌ینی له‌ پیشاوه‌ر ئه‌و هێرشه‌ کراوه‌، به‌ڵام شوفێره‌که‌ی و یه‌کێک له‌ پاسه‌وانه‌کانی و که‌سێکی پیاده‌ش له‌ شوێنی ڕووداوه‌که‌دا کوژراون و دوو که‌سی تریش بریندار بوون.

تا ئاماده‌کردنی ئه‌م هه‌واڵه‌ هیچ لایه‌نێک به‌رپرسێتی خۆی له‌و هێرشه‌ ڕانه‌گه‌یاندووه‌.
پۆلیس ده‌ڵێت حاجی حه‌یاتوڵا له‌ ده‌می ڕووداوه‌که‌دا له‌ مزگه‌وت بووه‌.