Accessibility links

قوڵبوونی قه‌یرانه‌ سیاسیـیه‌کانی عێراق


قه‌یرانی سیاسی عێراق هه‌تا دێت قوڵتر ده‌بێته‌وه‌ و ئه‌گه‌ری چاره‌سه‌ربوونی ناکۆکیـیه‌کانیش به‌ ڕێگه‌یه‌کی ئاشـتیـیانه‌ به‌ دور ده‌بینرێت پاش ئه‌وه‌ی ململانێـکان مۆرکێـکی تایفیـیان وه‌رگرت و ئاڵۆزبوونی دۆخه‌که‌ش له‌ گۆڕه‌پانی خۆپـیشـاندانه‌کانه‌وه‌ گواسترایه‌وه‌ بۆ نێو هه‌ردوو ده‌سه‌ڵاتی یاسادانان و جێبه‌جێکردن، که‌ له‌ لایه‌ن هه‌ردوو که‌سایه‌تی نوجێفی سووننه‌ مه‌زهه‌ب و مالیکی شیعه‌ مه‌زهه‌به‌وه‌ به‌ڕێوه‌ده‌برێن.
له‌ ئێسـتادا به‌هۆی خرابوونی بارودۆخی ئاسایشی وڵاته‌وه‌، ئه‌م دوو ده‌سه‌ڵاته‌ یه‌کتر تۆمه‌تبارده‌که‌ن و په‌رله‌مانیش له‌ ئاست قه‌یرانه‌که‌دا په‌کی که‌وتووه‌ و حکومه‌تیش به‌هۆی پاشه‌کشێی وه‌زیره‌کان و ڕووبه‌ڕووبوونه‌وه‌ی ناڕه‌زایی و به‌ چه‌کداربوونی خۆپـیشـانده‌ران داموده‌زگاکانی حکومه‌ت ئیفلیج بووه‌. هاوکات شه‌قامی عێراقیش له‌م دۆخه‌ قه‌یراناویه‌دا ڕووبه‌ڕووی شه‌پـۆلێـک له‌ هێرش و په‌لاماری تێرۆرسـتی بووه‌ته‌وه‌ که‌ وه‌ک چۆن چاودێران ئاماژه‌ی پـێده‌که‌ن له‌مڕۆدا عێراقیـیه‌کان ڕه‌نگوبۆی خوێنیان گرتووه‌ و هه‌تا دێت ئاسۆی باشبوونی ئاسایشی وڵاتیشیان بێ هیوایان ده‌کات.
دکتۆر سامان فه‌وزی ئه‌ندامی ئه‌نجومه‌نی نوێنه‌رانی عێراق له‌و بڕوایه‌دایه‌ هه‌تا کۆتایی ئه‌م خوله‌ی په‌رله‌مانی حکومه‌ت ململانێ سیاسیـیه‌کان به‌رده‌وامیان ده‌بێت.
please wait

No media source currently available

0:00 0:00:00 0:00
Direct link
XS
SM
MD
LG