Accessibility links

یه‌کێتی ئه‌وروپا به‌نیازه‌ تاووتوێی مه‌سه‌له‌ی خستنی باڵی له‌شـکری حزبوڵڵا له‌ نێو لیستی تێرۆردا بکات


دوو کاربه‌ده‌سـت ده‌ڵێن به‌ریتانیا داوای کردووه‌ به‌ فه‌رمی یه‌کێتی ئه‌وروپا ڕایبگه‌یه‌نێت باڵی له‌شـکری حزبوڵڵای لوبنان ڕێـکخراوێـکی تێرۆرسـتیـیه‌.
په‌سه‌ندکردنی داواکه‌ پـێویستی به‌ کۆ ده‌نگی هه‌ر 27 ئه‌ندامه‌که‌ی یه‌کێتی ئه‌وروپا هه‌یه‌. ئه‌گه‌رهاتوو په‌سه‌ندکرا، ئه‌وا ئه‌ندامانی کۆمه‌ڵه‌که‌ قه‌ده‌غه‌ی گه‌شتکردنیان به‌سه‌ردا ده‌سه‌پـێت له‌گه‌ڵ سڕکردنی سه‌روه‌ت و سامانیان.
کاربه‌ده‌سـتێـکی وه‌زاره‌تی ده‌ره‌وه‌ی به‌ریتانیا که‌ داوای کردووه‌ ناوی ئاشـکرا نه‌کرێت به‌هۆی مۆڵه‌تی لێـدوانی نیـیه‌ بۆ ده‌زگاکانی ڕاگه‌یاندن، گوتویه‌تی مه‌سه‌له‌که‌ له‌ ماوه‌ی دوو هه‌فته‌ی داهاتوودا تاووتوێ ده‌کرێت.
کاربه‌ده‌سـته‌که‌ ئه‌مڕۆ چوارشه‌ممه‌ گوتی ئه‌م هه‌نگاوه‌ له‌ ئاکامی به‌رپـرسیارێتی ئه‌و ڕێـکخراوه‌ بووه‌ له‌و ته‌قینه‌وه‌ تێرۆریسـتیـیه‌ی له‌ بولگاریا کرا و بووه‌ مایه‌ی کوژرانی 5 گه‌شتیاری ئیسرائیلی و که‌سێـکی بولگاریش.
دیپـلۆماتی وڵاتێـکی گه‌وره‌ی یه‌کێـتی ئه‌وروپاش ئه‌ویش گوتی مه‌سه‌له‌که‌ مانگی داهاتوو تاووتوێ ده‌کرێت.
XS
SM
MD
LG