Accessibility links

ڕووسیا: دوو چه‌کدار که‌ به‌نیازی هێرشی تێرۆرسـتی بوون له‌ نزیک مۆسـکۆ کوژران


کاربه‌ده‌سـتانی ڕووسیا ئه‌مڕۆ دووشه‌ممه‌ گوتیان له‌ ئۆپه‌راسیۆنێـکی تایبه‌تدا هێزه‌کانی ئاسایش هه‌وڵێـکی تێرۆرسـتیـیان له‌ نزیک مۆسـکۆ پـوچه‌ڵکردووه‌ته‌وه‌ و 2 گومان‌لێـکراویان کوشـتووه‌ و یه‌کێـکی دیکه‌یان ده‌سـتگیرکردووه‌.
کۆمیته‌ی دژه‌ تێرۆرزمی ڕووسیا گوتی ئۆپه‌راسیۆنه‌که‌ له‌ شـارۆچکه‌ی Orekhovo-Zuyevo له‌ ناوچه‌ی مۆسـکۆ به‌ڕێوه‌چووه‌. ده‌ڵێت گومان‌لێـکراوه‌کان ده‌سـتیان به‌ ته‌قه‌کردن کرد پاش ئه‌وه‌ی گه‌مارۆ دران و له‌ ئاکامدا یه‌کێـک له‌ هێزه‌کانی ئاسایش به‌ سووکی برینداربوو‌.
کۆمیته‌که‌ ده‌ڵێت گومان‌لێـکراوه‌کان ڕووسین و له‌ ئه‌فغانسـتان و پاکسـتان مه‌شـقیان پـێـکراوه‌ بۆ ئه‌نجامدانی هێرشی تێرۆرسـتی له‌ مۆسـکۆ.
کرێملن ده‌ڵێت سه‌رۆکی ڕووسیا ڤلادیمیر پـوتن له‌ پـلان و ئه‌نجامی ئۆپه‌راسیۆنه‌که‌ ئاگادارکراوه‌ته‌وه‌.
XS
SM
MD
LG