Accessibility links

ئه‌فغانسـتان به‌نیازه‌ ڕێـگه‌ به‌ دامه‌زراندنی 9 بنکه‌ی له‌شـکری ئه‌مه‌ریکا بدات که‌ یه‌کێـکیان له‌ نزیک سنووری ئێران بـبێت


سه‌رۆکی ئه‌فغانسـتان حامید کارزایی ده‌ڵێت ئاماده‌یه‌ ڕێـگه‌ به‌ ئه‌مه‌ریکا بدات 9 بنکه‌ی له‌شـکری له‌ وڵاته‌که‌یدا هه‌بێت له‌ پاش کشـانه‌وه‌ی زۆربه‌ی هێزه‌ جه‌نگاوه‌ریـیه‌کانی نێوده‌وڵه‌تی له‌ سـاڵی داهاتوودا، به‌ڵام له‌ به‌رامبه‌ردا ئه‌فغانسـتان مسۆگه‌رکردنی باری ئاسایش و بوژاندنه‌وه‌ی ژێرخانی ئابوری له‌ ئه‌مه‌ریکا ده‌وێت.
ئه‌مڕۆ پـێـنجشه‌ممه‌ له‌ ڕێوڕه‌سمێـکدا له‌ کابول به‌ بۆنه‌ی 80 هه‌مین سـاڵیادی دامه‌زراندنی زانکۆی کابول، کارزایی ئه‌مه‌ی ڕاگه‌یاند و گوتی وتووێژه‌کان گه‌یشـتوونه‌ته‌ قۆناغێـکی گرنگه‌وه‌.
هه‌ردوو وڵات بۆ ماوه‌یه‌کی درێژه‌ له‌ وتووێژدان بۆ گه‌یشتن به‌ ڕێـکه‌وتنێـک به‌ مه‌به‌سـتی ڕێگه‌دان به‌ مانه‌وه‌ی له‌شـکری ئه‌مه‌ریکا له‌ ئه‌فغانسـتان له‌ پاش سـاڵی 2014.
کارزایی گوتی بنکه‌ له‌شـکریـیه‌کان یه‌کێـکیان له‌ نزیک سـنووری ئێران ده‌بێت و یه‌کێـکیشـیان له‌ نزیک سـنووری پاکسـتان.
XS
SM
MD
LG