له‌ ئاکامی زنجیره‌یه‌ک هێرشـدا له‌ عێراق 9 که‌س ده‌کوژرێن

کاربه‌ده‌سـتانی عێراق ده‌ڵێن له‌ ئاکامی زنجیره‌یه‌ک ته‌قینه‌وه‌ که‌ ئه‌مڕۆ چوارشه‌ممه‌ چه‌ند ناوچه‌یه‌کی عێراقی گرته‌وه‌، به‌لایه‌نی که‌م 8 که‌س کوژراون و نزیکه‌ی 40 که‌سیش برینداربوون.
کاربه‌ده‌سـتێـکی پـۆلیس گوتی یه‌که‌م هێرش له‌ شـاری فه‌لـلوجه‌ی ڕۆژئاوای عێراق ڕوویدا، کاتێـک کۆمه‌ڵێـک چه‌کدار له‌ نێو ئۆتۆمبیلێـکدا که‌ به‌ خێرایی ده‌ڕۆیشت ده‌سـتڕێژی گولـله‌یان له‌ خاڵێـکی پشـکنینی پـۆلیس کرد و له‌ ئاکامدا 3 پـۆلیس کوژران.
پاشـان له‌ شـاری که‌رکوک ئۆتۆمبیلێـکی بۆمبڕێژکراو له‌ نزیک‌ کۆمیته‌ی ڕێـکخسـتنی یه‌کێتی نیشـتیمانی کوردسـتان له‌ گه‌ڕه‌کی ڕه‌حیماوا ته‌قیـیه‌وه‌‌ و له‌ ئاکامدا که‌سێـک کوژرا‌ و زیاتر له‌ 20 که‌سیش برینداربوون. له‌ گه‌ڕه‌کی پـیشه‌سـازیش ئۆتۆمبیلێـکی دیکه‌ به‌ خاڵێـکی پـشـکنینی هێزی ئاسایشی کوردیدا ته‌قیوه‌ته‌وه‌ و له‌وێش که‌سێـک کوژرا‌ و 6 که‌سی دیکه‌ برینداربوون.
له‌ به‌غدای پایته‌ختیش، بۆمبێـک که‌ به‌ پاسێـکی بچووکه‌وه‌ لکێـنرابوو ته‌قیوه‌ته‌وه‌ و بووه‌ته‌ مایه‌ی کوژرانی 3 که‌س له‌ سه‌رنشینانی پاسه‌که‌ و برینداربوونی 8 که‌سی دیکه‌.
له‌ شـاری موسڵی باکوری وڵاته‌که‌، خۆکوژێـک خۆی له‌ دوکانی دارتاشێـکدا ته‌قاندووه‌ته‌وه‌، که‌سێـک کوژراوه‌ و 4 که‌سیش برینداربوون.