که‌جه‌ده‌ داوای لابردنی په‌که‌که‌ له‌ لیستی ڕێـکخراوه‌ تێرۆرسـتیـیه‌کان ده‌کات

پارتی کۆنگره‌ی جڤاکا دیموکراتێـک (که‌جه‌ده‌) ئێواره‌ی یه‌کشه‌ممه‌ کۆتایی به‌ کۆنگره‌ دوو ڕۆژیـیه‌که‌ی هێنا که‌ له‌ شـاری دیاربه‌کر سـازیکردبوو.
ئه‌حمه‌د تورک و ئایسه‌ل‌ توغلوک ڕابه‌رانی که‌جه‌ده‌ به‌شـداریـیان له‌ کۆنگره‌که‌دا کرد. گولته‌ن کشاناک و ئه‌ندامانی دیکه‌ی پارتی ئاشتی و دیموکراسی (به‌ده‌په‌) ئاماده‌ی کۆنگره‌که‌ بوون.
له‌و کۆنگره‌یه‌دا که‌ نزیکه‌ی 700 که‌س تیایدا به‌شـداریکرد، به‌یانـنامه‌یه‌ک ده‌رکرا و تیایدا داوا له‌ ئه‌وروپا و ئه‌مه‌ریکا کرا پارتی کرێـکارانی کوردسـتان (په‌که‌که‌) له‌ لیسـتی ڕێـکخراو و کۆمه‌ڵه‌ تێرۆرسـتیـیه‌کاندا ده‌ربهێنن.
خه‌جیجان فارقین په‌یامنێری ده‌نگی ئه‌مه‌ریکا له‌ دیاربه‌کر ڕاپـۆرتی له‌م باره‌یه‌وه‌ ناردووه‌.