Accessibility links

ده‌سه‌ڵاتدارانی تاران ڕێگه‌ له‌ دیپـلۆماتێـکی سـعودی ده‌گرن ئێران جێبهێڵێت


Mideast Iran
Mideast Iran
کاربه‌ده‌سـتانی ئێران ده‌ڵێن دادگایه‌کی وڵاته‌که‌یان بڕیاری داوه‌ ڕێگه‌ له‌و دیپـلۆماته‌ سـعودیـیه‌ بگیرێت ئێران جێبهێڵێت که‌ له‌ مانگی سێـدا وه‌ک ده‌ڵێن به‌ سه‌رخۆشی ئۆتۆمبیلی له‌ تارانی پایته‌خت لێخوڕیوه‌ و له‌ که‌سێـکی داوه‌ و کوشتوویه‌تی.
غولام حسێن موحسنی گوته‌بێژی دادی ئێران ئه‌مڕۆ دووشه‌ممه‌ ئه‌مه‌ی ڕاگه‌یاندن، به‌ڵام ناوی دیپـلۆماته‌که‌ی ئاشـکرا نه‌کرد
عه‌لادین بروجه‌ردی سه‌رۆکی کۆمیته‌ی ئاسایشی نیشـتیمانی و سیاسه‌تی ده‌ره‌وه‌ له‌ ئه‌نجومه‌نی شورای ئێران، ئه‌ویش له‌م باره‌یه‌وه‌ گوتی تاوانی ئه‌و دیـپـلۆماته‌ دوو هێنده‌یه‌، چونکه‌ ڕووداوه‌که‌ی به‌ سه‌رخۆشی کردووه‌ و شووشه‌ی مه‌ی له‌ ئۆتۆمبیله‌که‌یدا دۆزراوه‌ته‌وه‌.
ڕووداوه‌که‌ دوو هه‌فته‌ له‌مه‌وبه‌ر بووه‌ و کاتی خۆی وه‌زاره‌تی ده‌ره‌وه‌ی ئێران ناڕه‌زایی خۆی له‌و باره‌یه‌وه‌ ئاڕاسته‌ی باڵیۆزخانه‌ی عه‌ره‌بسـتانی سـعودیـیه‌ له‌ تاران کرد.
XS
SM
MD
LG