به‌هۆی داڕمانی بینایه‌ک له‌ هیندسـتان 46 که‌س گیانیان له‌ده‌سـت ده‌ده‌ن

پـۆلیسی هیندسـتان ده‌ڵێت بینایه‌کی چه‌ند نهۆمی له‌ شـاری مۆمبای ڕووخاوه‌ و له‌ ئاکامدا به‌ لایه‌ی که‌م 46 که‌س کوژراون و 50 که‌سی دیکه‌ش برینداربوون.
کارمه‌ندانی فریاگوزاری به‌رده‌وامن له‌ هه‌وڵه‌کانی گه‌ڕان به‌ دوای زیندووماوانی ژێر داروپه‌ردوی بیناکه‌دا.
بیناکه ‌که‌ 7 نهۆم بوو و‌ له‌ قۆناغی دروسـتکردندابوو، ئێواره‌ی پـێـنجشه‌ممه‌ داڕما و زۆربه‌ی قوربانیـیه‌کان کرێـکارانی بیناسـازی بوون که‌ له‌گه‌ڵ خێزانه‌کانیاندا له‌ به‌شه‌ ته‌واو نه‌بووه‌کانی بیناکه‌دا ده‌ژیان. به‌ لای که‌م 11 منداڵ له‌ نێو کوژراوه‌کان هه‌ن.
پـۆلیسی ناوچه‌که‌ ده‌ڵێت بیناکه‌ به‌ شێوه‌یه‌کی نایاسایی و خراپ دروسـتکرابوو، بۆیه‌ تۆمه‌تی تاوانی کوشـتنیان ئاڕاسته‌ی دروسـتکاره‌که‌ی کراوه‌‌.