تانکه‌رێـکی سووته‌مه‌نی له‌ شـاری تکریتی باکوری عێراق ده‌ته‌قێته‌وه‌ و 8 که‌س ده‌کوژرێن

ئه‌مڕۆ دووشه‌ممه‌ تانکه‌رێـکی سووته‌مه‌نی بۆمبڕێژکراو له‌ شـاری تکریتی باکوری عێراق ته‌قیوه‌ته‌وه‌ و له‌ ئاکامدا به‌ لایه‌نی که‌م 8 که‌س کوژراون که‌ حه‌وتیان پـۆلیسن.
ئه‌فسه‌رێـکی پـۆلیس به‌ ئاژانسی ده‌نگ‌وباسی ڕۆیته‌رزی گوتووه‌ خۆکوژه‌که‌ تانکه‌ره‌که‌ی کردووه‌ به‌ نێو شوێنی کۆمه‌ڵه‌ ده‌زگا حکومیـیه‌کانی شـاره‌که‌ و له‌ پشـت به‌ڕێوه‌به‌رایه‌تی پـۆلیس ته‌قینه‌وه‌که‌ی ئه‌نجامداوه‌.
هه‌روه‌ها ته‌قینه‌وه‌که‌ زیاتر له‌ 30 که‌سیشی بریندارکردووه‌ و ئاگریشی لێـکه‌وتووه‌ته‌وه‌ و زیانی ماڵی زۆریشی به‌ بیناکانی ده‌وروبه‌ری گه‌یاندووه‌.
هه‌تا ئاماده‌کردنی ئه‌م هه‌واڵه‌ که‌س به‌رپـرسیارێتی خۆی له‌ هێرشه‌که‌ ڕانه‌گه‌یاندووه‌.