Accessibility links

دادگایه‌کی به‌حره‌ین حوکمی 15 زیندانی بۆ 17 که‌س ده‌رده‌کات


دادگای تاوانه‌کانی به‌حره‌ین حوکمی زیندانی 15 سـاڵی بۆ 17 که‌سی شیعه‌ ئاینزا ده‌رکردووه‌ به‌ تاوانی دانانی بۆمبێـکی لاڕێ که‌ له‌ ئاکامی ته‌قینه‌وه‌یدا 4 پـۆلیس برینداربوون.
دادگاکه‌ ده‌ڵێت ئه‌م 17 که‌سه‌ له‌ مانگی چواری سـاڵی ڕابردوودا له‌ گوندی ئه‌لعکر له‌ باشوری مه‌نامه‌ی پایته‌خت به‌ربه‌سـتیان خستووه‌ته‌ سه‌ر شه‌قامێـک و بۆمبه‌که‌یان له‌گه‌ڵدا داناوه‌.
جاسم سه‌رحان پارێزه‌ری تاوانباره‌کان به‌ ئاژانسی ده‌نگ‌وباسی ئه‌سۆشیه‌تد پـرێسی گوتووه‌ له‌و 17 که‌سه‌ ته‌نها 8 که‌سیان ده‌سـتگیرکراوه‌ و ئه‌وانی دیکه‌ به‌ بێ ئاماده‌بوونیان حوکمه‌که‌یان بۆ ده‌رچووه‌.
جاسم سه‌رحان گوتیشی به‌نیازه‌ داوای پـیاداچوونه‌وه‌ به‌م بڕیاره‌ی دادگادا بکرێت.
XS
SM
MD
LG