ئێران که‌شـتیـیه‌کی جه‌نگی نوێ ده‌خاته‌ کار

ئێران که‌شتیـیه‌کی جه‌نگی نوێی خۆی له‌ ده‌ریای خه‌زه‌ر له‌ باکوری وڵاته‌که‌ خسته‌ کاره‌وه‌.
ئه‌مڕۆ یه‌کشه‌ممه‌ له‌ ڕێوڕه‌سـمێـکدا به‌ ئاماده‌بوونی ئه‌حمه‌دی‌نه‌ژاد سه‌رۆکی ئێران له‌ به‌نده‌ری ئه‌نزالی سه‌ر ده‌ریای خه‌زه‌ر که‌شـتی جه‌نگی ناسراو به‌ جه‌مران 2 که‌وته‌ کاره‌وه‌.
به‌پـێی ئێران که‌شـتیـیه‌که‌ دروسـتکراوی خۆماڵی خۆیانه‌ و کێشه‌که‌ی 1420 تۆنه‌ و هێزی ماشێنه‌که‌ی 20 هه‌زار ئه‌سپه‌ و ده‌توانێت بگاته‌ خێرایی 30 میلی ده‌ریایی له‌ کاژمێرێـکدا، واته‌ 55.5 کیلۆمه‌تر له‌ کاژمێرێـکدا.
ده‌شڵێن ده‌توانرێت له‌سه‌ر ئه‌و که‌شـتیـیه‌ فڕۆکه‌ی هه‌لیکۆپـته‌ری بنیشێته‌وه‌ و موشه‌کی لێوه‌ هه‌ڵبدرێت بۆ ده‌ریا و زه‌وی و ئاسمان.
جێی وه‌بیرهێنانه‌وه‌یه‌ ئێران له‌ سـاڵی 2010 دا که‌شـتی جه‌نگی جه‌مران یه‌کی له‌ که‌نداوی فارسـدا خسته‌گه‌ڕ.