Accessibility links

هونه‌ر تۆفیق : به‌ر له‌ گه‌یشتنی نامه‌که‌ی ئۆجه‌لان، ئانکه‌ره‌ په‌یامی خۆی به‌ فڕۆکه‌کانیدا ناردووه‌ بۆ قه‌ندیل


هونه‌ر تۆفیق
هێشتاش نامه‌که‌ی ڕێبه‌ری زیندانیکراوی پارتی کرێکارانی کوردستان نه‌گه‌یشتۆته‌ قه‌ندیل به‌هۆی ئه‌و بۆردومانانه‌ی بۆ چه‌ند ڕۆژێکی له‌سه‌ر یه‌که‌ فڕۆکه‌ جه‌نگیه‌کانی تورکیا ده‌یکه‌ن.

هونه‌ر تۆفیق، نوسه‌ر و لێکۆڵه‌ره‌وه‌ ده‌ڵێت به‌ر له‌ گه‌یشتنی په‌یامه‌که‌ی عه‌بدوڵا ئۆجه‌لان ده‌بێت بگوترێت که‌ ئه‌م هه‌نگاوه‌ سه‌رکه‌وتنێکه‌ له‌و ڕوانگه‌یه‌وه‌ی ده‌وڵه‌تی تورکیا داوی دیالۆگی لێده‌کات و هه‌رچ شتێکیش ئۆجه‌لان بیڵێت به‌ هێند وه‌ری ده‌گرێت.

به‌ڕێز تۆفیق ئاماژه‌ش به‌وه‌ ده‌کات ئه‌و بۆردومانکردنانه‌ی قه‌ندیل له‌لایه‌ن فڕۆکه‌ جه‌نگیه‌کانی تورکیاوه‌ گومانی هێناوه‌ته‌ ئارا له‌سه‌ر ئه‌و پرۆسه‌یه‌ی ئانکه‌ره‌ ده‌ستیپێکردووه‌ و خوست باشی ئانکه‌ره‌ی خستۆته‌ ژێر پرسیاره‌وه‌ و ده‌شڵێت قه‌ندیل په‌یامه‌که‌ی ئۆجه‌لان وه‌ک خۆی وه‌ده‌گرێت به‌ڵام ناتوانێت به‌هه‌مان ئه‌ندازه‌ و به‌ هه‌مان شێوازیش له‌ هه‌وڵه‌کانی ئانکه‌ره‌ بڕوانێت.

له‌ میانه‌ی وتووێژه‌که‌یدا له‌گه‌ڵ به‌ڵێن ساڵح، هونه‌ر تۆفیق باسیش له‌وه‌ ده‌کات چۆن باری ناوخۆیی وڵاته‌که‌ و هاتنه‌ ئارای ڕه‌وشی نوێ له‌ ناوچه‌که‌دا بوونه‌ته‌ پیداویستی بۆ چاره‌سه‌رکردنی کێشه‌ی کورد له‌ تورکیادا.
نوسه‌ر و لێکۆڵه‌ره‌وه‌ هونه‌ر تۆفیق ده‌شڵێت له‌گه‌ڵ ئه‌و هه‌ڵ و مه‌رجه‌ی له‌ سوریادا هه‌یه‌ په‌که‌ بۆته‌ هێزێک که‌ ئانکه‌ره‌‌ له‌ ورده‌کاریه‌ سیاسیه‌کاندا ده‌بێت به‌ هێند وه‌ریبگرێت له‌و ڕوانگه‌یه‌وه‌ی وه‌ک هێزێک توانیویه‌تی هێڵی په‌ڕینه‌وه‌ی تورکیا بۆ سوریا بگرێت و ئه‌مه‌ش گومانێکی تر ده‌هێنێته‌ ئاراوه‌ له‌سه‌ر چۆنیه‌تی و ئامانجی ئه‌و دانوستاندنه‌ی ئانکه‌ره‌ له‌گه‌ڵ په‌که‌که‌دا ده‌یکات.

زانیاری زیاتر له‌ ده‌قی وتووێژه‌که‌دایه‌:
please wait

No media source currently available

0:00 0:00:00 0:00
Direct link
XS
SM
MD
LG