هه‌له‌و واشنتن: نامه‌که‌ی ئۆجه‌لان و پـرۆسه‌ی چاره‌سه‌رکردنی مه‌سه‌له‌ی کورد له‌ تورکیا

له‌ میانه‌ی سه‌ردانی شـاندی دووه‌می پارتی ئاشـتی دیموکراسی به‌ده‌په‌ بۆ ئیمرالی و کۆبوونه‌وه‌یان له‌گه‌ڵ عه‌بدوڵڵا ئۆجه‌لانی ڕێبه‌ری زیندانیکراوی پارتی کرێـکارانی کوردسـتان له‌ 23 ی مانگی دوو، ئۆجه‌لان نامه‌یه‌کی داوه‌ته‌ ده‌سـتی شـانده‌که‌ تاوه‌کو له‌ ڕێگه‌ی ئه‌وانه‌وه‌ به‌ ئه‌ندامانی دیکه‌ی به‌ده‌په‌ و هه‌روه‌ها به‌ ئه‌ندامانی پارتی کرێـکارانی کوردسـتان له‌ قه‌ندیل و ئه‌وروپا و شوێنی دیکه‌ بگات.
به‌پـێی شـانده‌که‌ له‌ نێو نامه‌که‌دا پـێشـنیاره‌کانی ئۆجه‌لان بۆ چاره‌سه‌رکردنی مه‌سه‌له‌ی کورد له‌ تورکیادا هه‌یه‌. ده‌شڵێن به‌ر له‌وه‌ی ئاشـکرا بکرێت، به‌ده‌په‌ و ڕێبه‌رانی دیکه‌ی په‌که‌که‌ تاووتوێی پـرۆسه‌که‌ ده‌که‌ن.
ئه‌مه‌ بابه‌تی به‌رنامه‌ی هه‌له‌و واشنتنی ئه‌م هه‌فته‌یه‌ بوو که‌ ده‌خیلی شه‌ممۆ له‌ به‌شی کوردی ده‌نگی ئه‌مه‌ریکا تیایدا میواندارێتی ئه‌م به‌ڕێزانه‌ی کرد:
سه‌رتاج بوجاک، سیاسه‌تمه‌داری کورد له‌ تورکیا.
ده‌میر چه‌لیـک، ئه‌ندام په‌رله‌مانی تورکیا له‌سه‌ر به‌ده‌په‌.