Accessibility links

شه‌ڕی توند له‌ نزیک مزگه‌وتی ئه‌مه‌ویـیه‌کانی حه‌له‌ب هه‌ڵـده‌گیرسێت


شه‌ڕێـکی توند له‌ نێوان هێزه‌کانی حکومه‌تی سوریا و سه‌رهه‌ڵـداوان هه‌ڵـگیرسـاوه‌ له‌ نزیک مزگه‌وتێـکی مێژویی له‌ شـاری حه‌له‌ب.
ده‌زگاکانی ڕاگه‌یاندنی حکومه‌ت و کۆمه‌ڵه‌کانی ئۆپـۆزسیۆن ده‌ڵێن ده‌نگی ته‌قه‌ و ته‌قینه‌وه‌ ناوچه‌کانی ده‌وروبه‌ری مزگه‌وتی گه‌وره‌ی ئه‌مه‌ویـیه‌کانی هه‌ژاندووه‌.
ئه‌م مزگه‌وته‌ یه‌کێـکه‌ له‌و شوێنه‌وارانه‌ی حه‌له‌ب که‌ یونسکۆ له‌ لیستی شوێنه‌واره‌ مێژویـیه‌کاندا دایناوه‌.
کاربه‌ده‌سـتێـکی له‌شـکری حکومه‌تی سوریا ده‌ڵێت سه‌رهه‌ڵـداوان بۆمبێـکیان له‌ نزیک دیواری باشوری مزگه‌وته‌که‌دا ته‌قاندووه‌ته‌وه‌، له‌ هه‌وڵێـکیاندا بۆ چوونه‌ ناو حه‌وشه‌ی مزگه‌وته‌که‌.
XS
SM
MD
LG