فه‌ڕه‌نسا 11 که‌س به‌ کۆکردنه‌وه‌ی پاره‌ بۆ په‌که‌که‌ تاوانبارده‌کات

کاربه‌ده‌سـتانی فه‌ڕه‌نسـا سکاڵای سه‌ره‌تایـیان له‌ دژی 11 که‌س تۆمارکردووه‌ له‌سه‌ر ئه‌وه‌ی وه‌ک ده‌ڵێن به‌‌ زۆر پاره‌یان له‌ خه‌ڵـک کۆکردۆ‌ته‌وه‌ بۆ پارتی کرێـکارانی کوردسـتان.
ئه‌م 11 که‌سه‌‌ به‌شێـکن له‌و 23 که‌سه‌ی‌ هه‌فته‌ی ڕابردوو له‌ ئیسپانیا و فه‌ڕه‌نسـا ده‌سـتگیرکران به‌ گومانی سه‌ندنی پاره‌ له‌ هاوڕێ کورده‌کانیان به‌ مه‌به‌ستی کڕینی چه‌ک بۆ په‌که‌که‌.
ئۆفیسی داواکاری گشـتی پاریس ئه‌مڕۆ دووشه‌ممه‌ ڕایگه‌یاند که‌وا پاش لێـکۆڵینه‌وه‌ له‌گه‌ڵ ئه‌و 11 که‌سه‌، حه‌وتیان به‌ ده‌سـتگیرکراوی هێڵراونه‌ته‌وه‌ و چواریشیان به‌ که‌فاله‌ت ئازادکراون.