Accessibility links

کۆریای باشور موشه‌کێـکی نوێی جۆری کروزی خۆی ئاشـکرا ده‌کات


کۆریای باشور ئه‌مڕۆ موشه‌کێـکی کروزی نوێی تاقیکرده‌وه‌ که‌ وه‌ک به‌رپـرسـانی به‌رگری سیۆل ده‌ڵێن توانای لێـدانی هه‌موو ئامانجێـکی هه‌یه‌ له‌ هه‌ر شوێنێـکی کۆریای باکور و له‌ هه‌ر کاتێـکدا بێت.
هێزه‌کانی کۆریای باشور له‌ ئه‌وپه‌ڕی ڕه‌وشی ئاماده‌باشیدان، ئه‌مه‌ش دوای تاقیکردنه‌وه‌ی ناوکی ئه‌م دوایـیه‌ی کۆریای باکور، ئه‌و کاره‌ی سه‌رزه‌نشـتکردنی نێونه‌ته‌وه‌یی لێـکه‌وته‌وه‌ و هه‌روه‌ها ئاسـتی گرژی و ئاڵۆزی له‌ نیمچه‌ دورگه‌ی کۆریای به‌ دوای خۆیدا هێنا.
کیم مین سۆک گوته‌بێژی وه‌زاره‌تی به‌رگری کۆریای باشور سـتایشی وردی ئامانج‌پـێـکانی ئه‌م موشه‌که‌ نوێیـه‌ی کرد و به‌ گوته‌ی خۆی به‌ فه‌رمی له‌ وڵاتدا دابه‌سـتراوه‌.
کیم مین ئاماژه‌ی ئه‌وه‌شی دا، ئه‌م موشه‌که‌ نوێـیه‌ خراوه‌ته‌ به‌ر دیده‌ی هاوڵاتیـیان، چه‌کێـکی ئه‌وپه‌ڕی نیشـان‌شکێنه‌ و ده‌توانێت هه‌موو ئامانجێـک زۆر به‌ وردی بـپـێـکێت، وه‌ک په‌نجه‌ره‌ی ئۆفیسی فه‌رمانده‌ی کرده‌ی له‌شـکری کۆریای باکور له‌ هه‌ر جێـگه‌یه‌کدا بێت له‌ نیمچه‌ دورگه‌ی کۆریادا.
ناوبراو گوتیشی توانای ئه‌م موشه‌که‌ زۆر وێرانکه‌ره‌ و به‌رپه‌رچی دوژمنانیان ده‌داته‌وه‌، ئه‌گه‌ر بێت و هه‌ڕه‌شه‌یان لێ بکه‌ن.
وه‌زاره‌تی به‌رگری سیۆل هیچ ئاماژه‌یه‌کی به‌ مه‌ودای وردی ئه‌م موشه‌که‌ نوێـیه‌ نه‌دا. گرته‌ ڤیدیۆیی ئه‌م موشه‌که‌ بڵاوکرایه‌وه‌ کاتێـک که‌شـتیـیه‌کی ژێر ده‌ریایی هه‌ڵی‌ده‌دات و ئه‌و ئامانجه‌ی له‌سه‌ر زه‌وی بۆی دیارکراوه‌ به‌ ته‌واوی ده‌یپـێکێت.
XS
SM
MD
LG