Accessibility links

له‌تیف فاتح فه‌رج: سیاسه‌تکاران له‌به‌ر به‌رژه‌وه‌ندی خۆیان چاوپۆشی له‌ تورکیا ده‌که‌ن


شاندێکی باڵای مه‌كته‌بی سیاسی یه‌كێتیی نیشتمانیی كوردستان به‌ سه‌رۆكایه‌تی كۆسره‌ت ره‌سوڵ عه‌لی جێگری یه‌كه‌می سكرتێری گشتی یه‌كێتیی نیشتمانیی كوردستان سه‌ردانی تورکیا ده‌کات بۆ دیدار و کۆبوونه‌وه‌ له‌گه‌ڵ لایه‌نه‌ به‌رپرسه‌كانی حكومه‌تی توركیا و حزبیAK پارتی ده‌سه‌ڵاتداری تورکیا سه‌باره‌ت به‌ مه‌سه‌له‌كانی عێراق و په‌یوه‌ندییه‌ دوو قۆڵییه‌كانی نێوان یه‌كێتیی نیشتمانیی كوردستان و توركیاش.
له‌تیف فاتیح فه‌ره‌ج ڕۆژنامه‌وان و شاره‌زای سیاسی کوردستان و عێراق له‌ وتووێژێکدا له‌گه‌ڵ حه‌یده‌ر که‌ریم له‌ به‌شی کوردی ده‌نگی ئه‌مه‌ریکا گوتی کۆمه‌ڵگای کورد ئه‌و ڕاستییه‌ ده‌زانێت که‌ کۆمپانیاگه‌لێکی زۆری تورکی پێشتر له‌ ڕێگای بیناسازی و ته‌لار سازیه‌وه‌ هاتوونه‌ته‌ هه‌رێمی کوردستان و ئێستاش له‌ ڕێگای ده‌رهێنانی نه‌وته‌وه‌ کاریگه‌ریه‌کی زۆری له‌سه‌ر کۆمه‌ڵگای کوردی هه‌یه‌ و پێشی ناڕه‌حه‌تن، به‌ڵام سیاسیه‌کان له‌سه‌ر ئه‌وه‌ی به‌رژه‌وه‌ندییان له‌وه‌دایه‌، به‌رده‌وام ده‌یانه‌وێت وێنه‌ی تورکیا له‌و ڕووه‌وه‌ جوان بکه‌ن.
ڕۆژنامه‌وان له‌تیف ده‌شڵێت ئه‌گه‌ر تورکیا له‌گه‌ڵ چاره‌سه‌ری کێشه‌ی کورددایه‌ و خه‌ونی باشووری کوردستان بێته‌ دی، ئه‌ی باشه‌ بۆ کێشه‌ی کورده‌کانی به‌رده‌می بۆ چاره‌سه‌ر ناکات. بۆیه‌ به‌بڕوای من سیاسیه‌کان له‌به‌ر به‌رژه‌وه‌ندییه‌کانیان و له‌به‌ر ئه‌و هه‌موو کۆمپانیه‌ نه‌وتیانه ‌و ئه‌و هه‌موو په‌یوه‌ندییه‌ ئابوورییه‌ و له‌به‌ر بیرکردنه‌وه‌ له‌ گیرفانیان نه‌ک بیرکردنه‌وه‌ له‌ نیشتیمان و له‌ گه‌ل، چاوپۆشی له‌و مه‌سه‌له‌یه‌دا ده‌که‌ن.
please wait

No media source currently available

0:00 0:00:00 0:00
Direct link
XS
SM
MD
LG