نیگه‌رانی ده‌که‌وێته‌وه‌ له‌ به‌رامبه‌ر ڕه‌تکردنه‌وه‌ی په‌رله‌مانتارانی ده‌وڵه‌تی یاسا بۆ ده‌سـتنیشـانکردنی ماوه‌ی سه‌رۆکایه‌تیـیه‌کانی عێراق

بڕیاری ده‌سـتنیشـانکردنی ماوه‌ی سێ سه‌رۆکایه‌تیـیه‌که‌ی عێراق، به‌ ناده‌سـتوری له‌ لایه‌ن په‌رله‌مانتارانی ده‌وڵه‌تی یاسا و هه‌روه‌ها خودی مالیکی سه‌رۆک وه‌زیری عێراقه‌وه‌ نیگه‌رانی به‌شی زۆری لایه‌نه‌ سیاسیـیه‌کانی عێراقی لێـکه‌وته‌وه‌.
ئه‌م هه‌ڵوێسـته‌ش به‌ ده‌سـتێوه‌ردان له‌ کاروباری ده‌سه‌ڵاتی دادوه‌ری و تۆقاندن و ترسـاندنی ئه‌و دادوه‌رانه‌ ناوده‌برێت، جگه‌ له‌وه‌ش ڕێزنه‌گرتنه‌ له‌ ئیراده‌ی ئه‌و 170 په‌رله‌مانتاره‌ی که‌ له‌ سه‌رجه‌م فراکسیۆنه‌کانه‌وه‌ ده‌نگیان به‌ په‌سه‌ندکردنی ئه‌و یاسا دا.