Accessibility links

زیاتر له‌ 65 ته‌رم له‌ حه‌له‌ب ده‌دۆزرێنه‌وه‌


چالاکوانانی سوریا ئه‌مڕۆ سێشه‌ممه‌ گوتیان له‌ ناوچه‌یه‌کی شـاری حه‌له‌ب له‌ باکوری وڵات 65 ته‌رمیان دۆزیوه‌ته‌وه‌ که‌ ده‌سـتیان به‌سـتراوه‌ته‌وه‌ و گولـله‌ به‌ سه‌ریانه‌وه‌ نراوه‌.
کۆمه‌ڵه‌ی چاودێری مافه‌کانی مرۆڤ بنکه‌ له‌ به‌ریتانیا ده‌ڵێت ڕه‌نگه‌ ژماره‌ی قوربانیـیه‌کانی ئه‌م کوشـتنکاریـیه‌ بگاته‌ 80 که‌س. ده‌شڵێت زۆربه‌ی قوربانیـیه‌کان ته‌مه‌نیان له‌ بیست و سیـیه‌کاندایه‌.
ته‌رمه‌کان له‌ لێوار ئاوی ڕووباری قویق له‌ نزیک پـردی سندیانه‌ی‌ ناوچه‌ی بوسـتان ئه‌لقه‌سه‌ری حه‌له‌ب دۆزراونه‌ته‌وه‌.
ئۆپـۆزسۆنی سوریا ده‌ڵێت ئه‌م قوربانیـیانه‌‌ به‌ ده‌سـتی هێزه‌کانی حکومه‌ت کوژراون. کاربه‌ده‌سـتێـکی سوریایـیش به‌ ئاژانسی ده‌نگ‌وباسی فه‌ڕه‌نسـایی گوتووه‌ قوربانیـیه‌کان زۆربه‌یان خه‌ڵـکی سیڤیلن و لایه‌ن کۆمه‌ڵه‌ تێرۆریستیـیه‌کانه‌وه‌ ڕفێندراون و کوژراون.
XS
SM
MD
LG