Accessibility links

هێزه‌کانی فه‌ڕه‌نسا و مالی گه‌مارۆی شـارۆچکه‌ی تیمبوکتوو ده‌ده‌ن


هێزه‌کانی فه‌ڕه‌نسـا و مالی پاش زیاتر له‌ دوو هه‌فته‌ له‌ شه‌ڕی چه‌کداره‌ توندڕه‌وه‌ ئیسلامیـیه‌کان له‌ باکوری مالی، وا ئه‌مڕۆ یه‌کشه‌ممه‌ گه‌مارۆی شــارۆچکه‌ی تیمبوکتووی دێرینیان داوه‌.
سه‌رچاوه‌ هه‌واڵیـیه‌کان له‌ نێو له‌شـکری مالیدا ده‌ڵێن هێزه‌کان به‌بێ ئه‌وه‌ی ڕووبه‌ڕووی هیچ جۆره‌ به‌رگریـیه‌ک بـبنه‌وه‌ گه‌یشـتوونه‌ته‌ قه‌راغ شـارۆچکه‌که‌.
تیمبوکتوو شـارێـکی کولتوریـیه‌ و ڕێـکخراوی یونیسکۆ خستوویه‌ته‌ لیسـتی شـاره‌ کولتوری و مێژوویـیه‌کانی جیهاندا، ئه‌مه‌ش به‌هۆی ئه‌و ده‌یان مزگه‌وت و مه‌زاره‌ ئیسلامیـیه‌ دێرینیانه‌ی لێـیه‌تی.
شه‌وی ڕابردوو فڕۆکه‌ جه‌نگیـیه‌کانی فه‌ڕه‌نسا ماڵی یه‌ک له‌ ڕێبه‌ری میلیتانه‌کانی داوه‌ له‌ شـارۆچکه‌ی کیدال که‌ نزیکه‌ی 1500 کیلۆمه‌تر له‌ باکوری باماکۆی پایته‌خته‌وه‌ دوره‌.
XS
SM
MD
LG