هه‌نارده‌ی نه‌وت له‌ که‌رکوکه‌وه‌ بۆ به‌نده‌ری جیهانی تورکیا ده‌وه‌ستێت

سه‌رچاوه‌یه‌ک له‌ کۆمپانیای نه‌وتی باکوری عێراقه‌وه‌ ئاشکرای کرد که‌وا له‌ ئێواره‌ی ئه‌مڕۆ پـێـنجشه‌ممه‌ به‌ کاتی خۆجێی هه‌نارده‌ی نه‌وت له‌ لووله‌ نه‌وتی که‌رکوک بۆ به‌نده‌ری جیهانی تورکیا ڕاوه‌سـتاوه‌، ئه‌مه‌ش به‌هۆی کارێـکی تێـکدرانه‌وه‌.
سه‌رچاوه‌که‌ ده‌ڵێت پـێده‌چێت له‌ نزیک شـارۆچکه‌ی قه‌یاره‌ی پارێزگای موسڵ بۆمبیان له‌ ژێر لووله‌ی نه‌وته‌که‌دا دانبێت که‌ تیره‌که‌ی زیاتر له‌ یه‌ک مه‌تره‌. ده‌شڵێت به‌ر له‌ هێرشه‌که‌ ڕۆژانه‌ 425 هه‌زار به‌رمیل نه‌وتی بۆ به‌نده‌ری جیهان ده‌گه‌یاند.
جێی ئاماژه‌یه‌ ئه‌م لووله‌ نه‌وته‌ که‌ له‌ کێڵگه‌ نه‌وتیـیه‌کانی که‌رکوکه‌وه‌ ده‌رده‌چێت هه‌تا ده‌گاته‌ به‌نده‌ری جیهانی تورکیا له‌سه‌ر ده‌ریای ناوه‌ڕاست، درێژیـیه‌که‌ی زیاتر له‌ یه‌ک هه‌زار کیلۆمه‌تره‌ و ئه‌رکی پاسه‌وانیکردنی سه‌خته‌، بۆیه‌ هه‌تا ئێسـتا چه‌ندین جار هێرشی کراوه‌ته‌ سه‌ر.