داواکاری گشـتی فه‌ڕه‌نسـا که‌سێـک به‌ گومانبار داده‌نێت له‌ کوشـتنی 3 ژنه‌ چالاکوانه‌ کورده‌که‌ی پاریس

داواکارێـکی گشـتی فه‌ڕه‌نسـا یه‌ک له‌و دوو کورده‌ی لێـکۆڵینه‌وه‌یان له‌گه‌ڵدا کربوون له‌ باره‌ی کوژرانی 3 ژنه‌ چالاکوانه‌ کورده‌که‌ی پاریس، ئه‌مڕۆ دووشه‌ممه‌ به‌ گومانبار تۆماری کرد.
گومانباره‌که‌ کاتی خۆی شۆفێری ساکینه‌ جانسز،یه‌ک له‌ دامه‌زرێنه‌رانی پارتی کرێـکارانی کوردسـتان بووه‌، ئه‌وه‌ی له‌ 10 ی ئه‌م مانگه‌ به‌ کوژراوی له‌گه‌ڵ دوو ژنه‌ چالاکوانی دیکه‌ له‌ نێوه‌ندی ڕاگه‌یاندنی کوردسـتان له‌ پاریس دۆزرانه‌وه‌‌.
داواکاری گشـتی فرانسوا مۆڵن ئه‌مڕۆ دووشه‌ممه‌ گوتی به‌ڵـگه‌ی گرنگ و به‌هێز هه‌ن که‌ نیشـانی ده‌ده‌ن ئه‌م گومانباره‌ که‌ هاوڵاتی تورکیایه‌ ڕۆڵێـکی له‌ کوشـتنکاریـیه‌که‌دا هه‌بووه‌.