Accessibility links

فڕۆکه‌خانه‌ی حه‌له‌ب داده‌خرێت و شه‌ڕی توند ناوچه‌کانی نزیک دیمه‌شقی پایته‌خت ده‌گرێته‌وه‌


ده‌سه‌ڵاتدارانی سوریا ئه‌مڕۆ سێشه‌ممه‌ فڕۆکه‌خانه‌ی حه‌له‌بی نێوده‌وڵه‌تیـیان داخست، پاش ئه‌وه‌ی له‌ لایه‌ن هێزه‌کانی ئۆپـۆزسیۆنه‌وه‌ چه‌ند هێرشێـکی کرایه‌سه‌ر.
کاربه‌ده‌سـتانی فڕۆکه‌خانه‌که‌ ‌ڕایانگه‌یاند که‌وا به‌ مه‌به‌ستی چاکسـازی فڕۆکه‌خانه‌که‌یان داخسـتووه‌، به‌ڵام سه‌رچاوه‌یه‌ک له‌ کۆنترۆڵکردنی گه‌شته‌ ئاسـمانیـیه‌کانی سوریا ده‌ڵێت بڕیاره‌که‌ له‌ ئاکامی ئه‌و هه‌وڵانه‌ی چه‌کدارانی ئۆپـۆزسیۆنه که‌ ده‌یانه‌وێت فڕۆکه‌ نه‌فه‌رهه‌ڵگره‌کان بکه‌نه‌ نیشـانه‌، به‌ڵام هێزه‌کانی ئۆپـۆزسیۆن نکوڵی ده‌که‌ن له‌وه‌ی هه‌وڵی له‌و جۆره‌یان دابێت.
هاوکات له‌ هه‌ردوو ناوچه‌ی داریا و موعه‌زه‌میه‌ت ئه‌لشام له‌ باشوری ڕۆژئاوای دیمه‌شقی پایته‌خت شه‌ڕی توند له‌ نێوان هێزه‌کانی حکومه‌ت و سه‌رهه‌ڵـداوانی له‌شـکری ئازادی سوریا هه‌ڵگیرسـاوه‌ و حکومه‌ت به‌ تۆپ و فڕۆکه‌ بۆردومانی ناوچه‌که‌ ده‌کات.
XS
SM
MD
LG