ڕۆژنامه‌یه‌ک: گه‌وره‌ ڕاوێژکاری ئه‌ردۆگان گوتوویه‌تی تورکیا وتووێژ له‌گه‌ڵ عه‌بدوڵڵا ئۆجه‌لان ده‌کات

ئاژانسی ده‌نگ‌وباسی ئه‌سۆشیه‌تد پـرێس ده‌ڵێت کاربه‌ده‌ستێـکی تورکیا گوتوویه‌تی حکومه‌تی وڵاته‌که‌ی وتووێژ له‌گه‌ڵ ڕێبه‌ری پارتی کرێـکارانی کوردسـتان عه‌بدوڵڵا ئۆجه‌لان ده‌کات به‌ مه‌به‌ستی دانانی چه‌ک له‌ لایه‌ن په‌که‌که‌وه‌‌ و کۆتایی هێنان به‌و شه‌ڕه‌ی ده‌یان سـاڵه‌ درێژه‌ی کێشـاوه‌.
یاڵچین ئاکدۆگان گه‌وره‌ ڕاوێژکاری ڕه‌جه‌ب ته‌یب ئه‌ردۆگان سه‌رۆک وه‌زیری تورکیا له‌ چاوپـێـکه‌وتنێـکیدا که‌ ئه‌مڕۆ یه‌کشه‌ممه‌ له‌ ڕۆژنامه‌ی ته‌ره‌فی تورکی Taraf بڵاوکراوه‌ته‌وه‌ ئه‌مه‌ی ڕاگه‌یاندووه‌.
یاڵچین هه‌روه‌ها گوتوویه‌تی تورکیا ئاگربه‌سـتێـکی کاتی ناوێت هاوشێوه‌ی ئه‌وانه‌ی پـێشـتر په‌که‌که‌ ڕایگه‌یاندبوون. ده‌ڵێت چونکه‌ ڕه‌خنه‌گرانی تورک ده‌ڵێن ئاگربه‌سـتێـکی کاتی، په‌که‌که‌ به‌هێزده‌کاته‌وه‌ به‌ر له‌وه‌ی ده‌ستبکاته‌وه‌ به‌ هێرشکردنه‌ سه‌ر له‌شـکری تورکیا.