Accessibility links

پاش په‌سه‌ندکردنی ده‌ستوری نوێ خانه‌ی سه‌رووی په‌رله‌مانی میسر بۆ یه‌که‌م جار کۆده‌بێته‌وه‌


خانه‌ی سه‌رووی په‌رله‌مانی میسر یه‌که‌م دانیشتی خۆی ئه‌نجامدا له‌و کاته‌وه‌ی سه‌رۆک محه‌مه‌د مورسی بڕیارێکی ده‌رکرد بۆ کارپێکردنی ده‌ستوریی نوێی مشتومڕ له‌سه‌ر که‌ ئیسلامییه‌کان پشتیوانی لێده‌که‌ن.
ئه‌نجومه‌نی شورا له‌ ڕۆژی چوارشه‌ممه‌ کۆبوونه‌وه‌ بۆ سوێندخواردنی 90 ئه‌ندامی نوێی که‌ له‌لایه‌ن سه‌رۆک مورسی ده‌ستنیشان کراون. چاوه‌ڕوان ده‌کرێت ئه‌نجومه‌نه‌که‌ کلێشه‌یه‌ک دانێت بۆ هه‌ڵبژاردنه‌کانی خانه‌ی خوارووی په‌رله‌مان له‌ ماوه‌ی دوو مانگی داهاتوودا.
پاش ئه‌وه‌ی کۆمسیۆنی هه‌ڵبژارن ڕایگه‌یاند نزیکه‌ی له‌سه‌دا 64 ی ده‌نگده‌ران له‌ ڕاپرسییه‌کانی ئه‌م مانگه‌دا پشتیوانیان له‌ ده‌ستور کردووه، سه‌رۆک مورسی له‌ دره‌نگانێی ڕۆژی سێشه‌ممه‌ بڕیاره‌که‌ی مۆرکرد.
هه‌رچه‌نده‌ گروپه‌کانی ئۆپۆزسیۆن به‌ ڕێبه‌رایه‌تی لیبراڵه‌کان و سیکولاره‌کان په‌یمانیان داوه‌ به‌رده‌وام بن له‌ ناڕه‌زایی ده‌ربڕین به‌رامبه‌ر ده‌ستوره‌که‌.
ده‌ڵێن له‌ به‌رنووسه‌که‌دا خواسته‌کانی ئه‌وان له‌به‌رچاو نه‌گیراون‌. هه‌وه‌ها ژماره‌یه‌ک له‌وانه‌ی که‌ دژین ده‌ڵێن ئه‌و به‌ڵگه‌نامه‌یه‌ مافی ژنانی تێدا پشتگوێ خراوه‌.
XS
SM
MD
LG