به‌هۆی ته‌قینه‌وه‌یه‌ک له‌ نزیک بنکه‌یه‌کی له‌شکری ئه‌مه‌ریکا له‌ ئه‌فغانستان 3 مه‌ده‌نی ده‌کوژرێن

هێرشبه‌رێکی خۆکوژ ئۆتۆمبێلێکی بۆمبڕێژکراوی له‌ نزیک بنکه‌یه‌کی له‌شکری ئه‌مه‌ریکا له‌ ئه‌فغانستان ته‌قانده‌وه‌، له‌ ئاکامدا 3 که‌سی مه‌ده‌نی کوژران.
تالیبان به‌رپرسیارێتی ئه‌و هێرشه‌ی گرته‌ ئه‌ستۆ که‌ ‌ڕۆژی چوارشه‌ممه‌ له‌ نزیک بنکه‌ی forward operation Base chapman ڕوویدا. له‌ ساڵی 2009 دا 7 کارمه‌ندی CIA و کارمه‌ندێکی ئوردنی له‌ هه‌مان بنکه‌ به‌هۆی هێرشێکی خۆکوژی که‌ له‌لایه‌ن ئه‌لقاعیده‌ ڕێکخرابوو کوژران. ئه‌و بنکه‌یه‌ له‌ شاری خوستی ڕۆژهه‌ڵاتی ئه‌فغانستانه‌ و نزیکه‌ له‌ سنوری پاکستانه‌وه‌.