Accessibility links

وڵاتانی عه‌ره‌بی که‌نداو داوا له‌ ئێران ده‌که‌ن واز له‌ ده‌سـتێوه‌ردان بهێنێت


ڕێبه‌رانی وڵاتانی عه‌ره‌بی که‌نداو داوایان له‌ ئێران کرد هه‌رچی زووه‌ وازبهێنێت له‌ ده‌سـتێوه‌ردان له‌ کاروباری ناوخۆی وڵاته‌کانیانه‌وه‌ تاوه‌کو گرژی له‌ ناوچه‌که‌ به‌دوربێت و هه‌ڕه‌شه‌ بۆ سه‌ر ئاسایشی هه‌رێمه‌که‌ دروست نه‌بێت.
ئه‌نجومه‌نی هاریکاری که‌نداو ئه‌مڕۆ سێشه‌ممه‌ له‌ به‌یانـنامه‌ی کوتایی گه‌ڕی 33 هه‌مینی خۆیدا له‌ مه‌نامه‌ی پایته‌ختی به‌حره‌ینن ئه‌مه‌ی ڕاگه‌یاند و هه‌روه‌ها داوای له‌ ئێران کرد پابه‌ندی وابه‌سـته‌یـیه‌کانی بێت له‌گه‌ڵ ئاژانسی نێوده‌وڵه‌تی وزه‌ی ئه‌تۆم.
داواشیان له‌ ئێران کرد له‌ به‌رنامه‌ ناوکیـیه‌که‌یدا ڕوون‌وئاشـکرابێت و به‌شـداری بکات له‌ ڕێـکه‌وتنـنامه‌ی سه‌لامه‌تی ناوکیـدا‌ و پابه‌ندی به‌رزترین ئاسـتی پـێوه‌ره‌ سه‌لامه‌تیـیه‌ ناوکیـیه‌کانیش بێت.
ئه‌نجومه‌نه‌که‌ هه‌روه‌ها جه‌ختی کرده‌وه‌ له‌سه‌ر به‌رده‌وامی ڕه‌تکردنه‌وه‌یان بۆ داگیرکردنی هه‌رسێ دورگه‌ی ته‌نه‌ب ئه‌لکوبرا و ته‌نه‌ب ئه‌لسوغرا و ئه‌بو موسای ئیماراتی عه‌ره‌بی له‌ لایه‌ن ئێرانه‌وه‌‌.
XS
SM
MD
LG