Accessibility links

ئۆفیسی سه‌رۆکایه‌تی عێراق: باری ته‌ندروسـتی جه‌لال تاڵه‌بانی جێـگیره‌


ئۆفیسی سه‌رۆکایه‌تی عێراق ده‌ڵێت باری ته‌ندروسـتی جه‌لال تاڵه‌بانی سه‌رۆکی عێراق جێـگیره‌ پاش ئه‌وه‌ی شه‌وی دوێنێ دووشه‌ممه‌ دووچاری ڕه‌قبوونی خوێنبه‌ر بووه‌ و گه‌یه‌ندراوه‌ته‌ نه‌خۆشـخانه‌یه‌کی به‌غدای پایته‌خت.
ئۆفیسه‌که‌ ده‌ڵێت ئێسـتا سه‌رۆک کۆمار له‌ ژێر چاودێری تیمێـکی پـزیشـکی شـاره‌زای عێراقیدایه‌ و تاقیکردنه‌وه‌ پـزیشـکیـیه‌کان ده‌ریانخسـتووه‌ ئه‌ندامه‌کانی له‌شی له‌ بارێـکی ئاسایـیدان.
نوری ئه‌لمالیکی سه‌رۆک وه‌زیری عێراق سه‌ردانی سه‌رۆک تاڵه‌بانی کردووه‌ له‌ نه‌خۆشـخانه‌ و هیوای چاکبوونه‌وه‌ی به‌ په‌له‌ی بۆ خواستووه‌.
جێی ئاماژه‌یه‌ جه‌لال تاڵه‌بانی ته‌مه‌ن 79 سـاڵ له‌م ماوه‌یه‌ی دوایـیدا به‌هۆی کێشه‌کانی نێوان به‌غدا و هه‌ولێر به‌رده‌وام له‌ گفتوگۆ و کۆبوونه‌وه‌دا بووه‌، هه‌ر دوێنێ به‌یانیـیه‌که‌ی له‌ به‌غدا له‌گه‌ڵ نوری ئه‌لمالیکی له‌و باره‌یه‌وه‌ کۆبوونه‌وه‌یه‌کی سـازکرد.
please wait

No media source currently available

0:00 0:00:00 0:00
Direct link
XS
SM
MD
LG