Accessibility links

تاڵیبانی ئه‌فغانسـتان هێرش ده‌کاته‌ سه‌ر کۆمپانیایه‌کی ئه‌مه‌ریکایی له‌ کابول


تاڵیبانی ئه‌فغانسـتان به‌رپـرسیارێتی خۆی له‌ هێرشێـک ڕاگه‌یاندووه‌ که‌ کراوه‌ته‌ سه‌ر کۆمپانیایه‌ک خاوه‌نه‌که‌ی له‌گه‌ڵ له‌شـکری ئه‌مه‌ریکایـیدا کۆنتراکتی هه‌یه‌.
ده‌سه‌ڵاتداران ده‌ڵێن له‌م هێرشه‌ی ئه‌مڕۆ دووشه‌ممه‌ له‌ کابولی پایته‌خت کرا، 2 کارمه‌ندی سیڤیلی ئه‌فغانی کۆمپانیاکه‌ کوژراون و 15 که‌سی دیکه‌ برینداربوون که‌ دووانیان بیانین.
گوته‌بێژێـکی تاڵیبان گوتی هێرشه‌که‌ خۆکوژی بووه‌ و تیایدا کۆمپانیایه‌کی ئه‌مه‌ریکایی به‌ ناوی کۆنتراک کراوه‌ته‌ نیشـانه‌ که‌ له‌ دابینکردنی ڕێوشوێنی ئاسایشی بۆ هێزه‌کانی له‌شـکر به‌رپـرسیاره‌.
جێی ئاماژه‌یه‌ کۆمپانیای کۆنتراک باره‌گاکه‌ی له‌ سـتانی ڤێرجینیای ئه‌مه‌ریکایه‌ و کاری له‌ ئه‌فغانسـتان ڕێـکخسـتنی دابه‌شـکردنی سووته‌مه‌نیـیه‌ به‌سه‌ر بنکه‌ له‌شـکریـیه‌کاندا.
ئه‌یوب سالانجی سه‌رۆکی پـۆلیسی کابول ده‌ڵێت ته‌قه‌مه‌نیـیه‌کان له‌ ناو ماشێنێـکی بچوکدا چێنرابوون.
XS
SM
MD
LG