Accessibility links

مه‌عاز ئه‌لخه‌تیب داوا له‌ ئه‌مه‌ریکا ده‌کات به‌ بڕیاری خۆیدا بچێته‌وه‌ له‌ باره‌ی جه‌بهه‌ت ئه‌لنوسره‌وه‌


سه‌رۆکی هاوبه‌ندی نیشـتیمانی ئۆپـۆزسیۆنی سوریا مه‌عاز ئه‌لخه‌تیب داوای له‌ وڵاته‌ یه‌کگرتووه‌کانی ئه‌مه‌ریکا کرد به‌و بڕیاره‌یدا بچێته‌وه‌ که‌ تیایدا جه‌بهه‌ت ئه‌لنوسره‌ی خستووه‌ته‌ لیستی ڕێـکخراوه‌ تێرۆرسـتیـیه‌کانه‌وه‌.
ئه‌مڕۆ چوارشه‌ممه‌ له‌ میانه‌ی کۆبوونه‌وه‌ی وڵاتانی دۆسـتی گه‌لی سوریا له‌ شـاری مه‌راکیشی مه‌غریب، خه‌تیب ئه‌مه‌ی له‌ وتاره‌که‌یدا ڕاگه‌یاند و گوتی ڕه‌نگه‌ له‌گه‌ڵ هه‌ندێـک لایه‌ندا له‌سه‌ر بیروباوه‌ڕ و تێڕوانیـنه‌ سیاسیـیه‌کاندا کۆک نه‌بن، به‌ڵام دڵنیان له‌وه‌ی هه‌موو سه‌رهه‌ڵـداوان ئامانجیان ڕووخاندنی ڕژێمی ئه‌سه‌ده‌.
هه‌روه‌ها گوتی شوره‌یی نیـیه‌ ئه‌گه‌ر که‌سێـک ئاین هانده‌ری بێت بۆ ڕزگارکردنی وڵاته‌که‌ی. گوتی چونکه‌ ئه‌و ئاینه‌ی، به‌ گوته‌ی خۆی، گه‌لان ڕزگار نه‌کات و زۆڵمداری لاواز نه‌کات، ئه‌وا ئاینێـکی ساخته‌یه‌.
له‌ درێژه‌ی وتاره‌که‌یدا گوتی جموجۆڵه‌ له‌شـکریـیه‌کانی ئۆپـۆزسیۆن زیاتر تان و پـۆی ئیسلامیـیانه‌ی هه‌یه‌ و به‌ شتێـکی ئه‌رێنی ناوبرد.
XS
SM
MD
LG