Accessibility links

ئێران کونسوڵخانه‌ی خۆی له‌ شـاری هێراتی ئه‌فغانسـتان داده‌خات


ئاژانسی ده‌نگ‌وباسی فه‌رمی ئێران ده‌ڵێت کونسوڵخانه‌ی وڵاته‌که‌یان له‌ شـاری هێراتی ڕۆژئاوای ئه‌فغانسـتان داخرا هه‌تا کاتێـکی نادیار به‌هۆی هێرشی خۆپـیشـانده‌ران له‌ ڕۆژی یه‌کشه‌ممه‌دا بۆ سه‌ری.
ڕۆژی یه‌کشه‌ممه‌ نزیکه‌ی 200 که‌سی ئه‌فغانی له‌ به‌رده‌م ئه‌و کونسوڵخانه‌یه‌ی ئێراندا گردبوونه‌وه‌ بۆ ده‌ربڕینی ناڕه‌زایی له‌ به‌رامبه‌ر وه‌ک ده‌ڵێن کوژرانی 13 کۆچبه‌ری ئه‌فغانی به‌ ده‌سـتی هێزه‌کانی ئاسایشی ئێران له‌ پاش ئه‌وه‌ی به‌ شێویه‌کی نایاسایی خۆیان به‌ ئێراندا کردبوو.
هه‌رچه‌نده‌ به‌ ده‌یان پـۆلیسی ئه‌فغانی به‌رده‌می خۆپـیشـانده‌رانیان گرتبوو، به‌ڵام که‌وتنه‌ به‌ردبارانی کونسسوڵخانه‌که‌ و شکاندنی شووشه‌ی په‌نجه‌ره‌کانی. هێزه‌کانی پـۆلیسیش له‌ به‌رامبه‌ردا که‌وتنه‌ ته‌قه‌کردن به‌ ئاسـماندا بۆ بڵاوه‌پـێـکردنیان.
جێی ئاماژه‌یه‌ ڕۆژانه‌ به‌ سه‌دان ئه‌فغانی به‌ مه‌به‌سـتی دۆزینه‌وه‌ی کار هه‌وڵ ده‌ده‌ن بچنه‌ ئێرانه‌وه‌.
XS
SM
MD
LG