Accessibility links

دادگای ده‌ستوری میسر کاره‌کانی خۆی هه‌تا کاتێـکی نادیارکراو هه‌ڵده‌پـسێرێت


دادگای ده‌سـتوری میسر ده‌ڵێت کاره‌کانی خۆی هه‌تا کاتێـکی نادیارکراو هه‌ڵپه‌سارد‌، پاش ئه‌وه‌ی خۆپـیشـانده‌رانی لایه‌نگری سه‌رۆک محه‌مه‌د مورسی ئه‌مڕۆ یه‌کشه‌ممه‌ چوارده‌وری باڵه‌خانه‌ی دادگاکه‌یان گرتن. ده‌شڵێت ئه‌م بڕیاره‌یان له‌ ئاکامی ئه‌و گوشارانه‌یه‌ که‌ ده‌خرێنه‌ سه‌ریان.
بڕیاربوو دادگاکه‌ ئه‌مڕۆ تاووتوێی ئه‌و سـکاڵایانه‌ بکات که‌ تیایدا داواکراون ئه‌نجومه‌نی شورا و ده‌سته‌ی نووسینه‌وه‌ی ده‌ستور هه‌ڵبوه‌شێنرێنه‌وه‌.
دوێنێ شه‌و ئه‌نجومه‌نی ئه‌میندارانی شۆڕش که‌ سه‌فوه‌ت حیجازی که‌سایه‌تی ئیسلامی سه‌رۆکایه‌تی ده‌کات، له‌ ڕاگه‌یاندنێـکدا داوای له‌ لایه‌نگرانی کرد له‌ به‌رده‌م دادگای ده‌سـتوری وڵاته‌که‌ مانبگرن.
پـێشـتر سه‌رۆکی میسر محه‌مه‌د مورسی له‌ مه‌راسیمێـکدا له‌ ناوه‌ندی کۆنگره‌ نێوده‌وڵه‌تیـیه‌کان له‌ قاهیره‌ خۆشـحاڵی خۆی به‌ بۆنه‌ی ئاماده‌کردنی به‌رنووسی ده‌سـتوری نوێ ‌ده‌ربڕی و گوتی بڕیار ده‌دات له‌ 15 ی ئه‌م مانگه‌دا ڕاپـرسیـیه‌کی گشـتی بۆ سـازبکرێت.
XS
SM
MD
LG