Accessibility links

تونس هاوڵاتیـیه‌کی خۆی له‌سه‌ر هێرشه‌که‌ی به‌نغازی ده‌سـتگیرده‌کات


حکومه‌تی تونس ڕایگه‌یاند هاوڵاتیـیه‌کی خۆی ده‌سـتگیرکردووه‌ که‌ گومان ده‌کرێت ده‌سـتی هه‌بێت له‌ هێرشه‌که‌ی مانگی ڕابردووی سه‌ر کونسوڵخانه‌ی ئه‌مه‌ریکا له‌ شـاری به‌نغازی لیبیادا.
خالید ترووش گوته‌بێژی وه‌زاره‌تی ناوخۆی تونس ئه‌مڕۆ چوارشه‌ممه‌ به‌ ئاژانسی ده‌نگ‌وباسی ئه‌سۆشیه‌تد پـرێس گوتووه‌ که‌سێـک به‌ ناوی عه‌لی حه‌رزی که‌ ته‌مه‌نی 28 سـاڵه‌ له‌سه‌ر هێرشه‌که‌ی به‌نغازی ده‌سـتگیرکراوه‌ و ئێسـتا مه‌سه‌له‌که‌ی له‌ ده‌سـتی یاسادایه‌. گوته‌بێژه‌که‌ هیچ ورده‌کاری زیاتری نه‌گوتووه‌.
هه‌تا ئاماده‌کردنی ئه‌م هه‌واڵه‌ وه‌زاره‌تی ده‌ره‌وه‌ی ئه‌مه‌ریکا هیچ لێـدوانێـکی له‌و باره‌یه‌وه‌ نه‌داوه‌.
جێی وه‌بیرهێنانه‌وه‌یه‌ پـێشـتر هه‌ر له‌م مانگه‌، لیۆن په‌نێتا وه‌زیری به‌رگری ئه‌مه‌ریکا ڕایگه‌یاند وڵاته‌که‌ی لێـکۆڵینه‌وه‌ ده‌کات له‌ باره‌ی 2 پـیاوی تونسی که‌ له‌ تورکیا ده‌سـتگیرکراون و‌ گومان ده‌کرێت‌ په‌یوه‌ندیـیان به‌ هێرشه‌که‌ی به‌نغازیـیه‌وه‌ هه‌بێت.
XS
SM
MD
LG