به‌ هێرشێـکی خۆکوژی له‌ ئه‌فغانستان 11 که‌س بریندارده‌بن

هێرشبه‌رێکی خۆکوژ ئوتۆمبیلێـکی بۆمبڕێژکراوی له‌ نزیک باره‌گایه‌کی هێزه‌کانی ناتۆ له‌ هه‌رێمی خۆرهه‌ڵاتی ئه‌فغانستان ته‌قاندووه‌ته‌وه‌ و له‌ ئاکامدا 11 سه‌ربازی ئه‌فغانی و چه‌ند که‌سێکی سیڤیل برینداربوون.
له‌و باره‌یه‌وه‌ به‌رپرسانی پارێزگای پاکتیا گوتیان ته‌قینه‌وه‌که‌ی ناوچه‌ی زورمات گه‌وره‌ بووه‌ به‌ڵام زیانی گیانی لێنه‌که‌تووه‌ته‌وه‌.
ته‌قینه‌وه‌‌که‌ له‌ ده‌روازه‌ی باره‌گای هێزه‌کانی ناتۆدا بوو و زانیشی به‌ بینا و په‌نجه‌ره‌کانی بنکه‌که‌ گه‌یاند‌.
هاوکات راپۆرته‌کان ئاماژه‌ی ئه‌وه‌ ده‌ده‌ن که‌ دوای ته‌قینه‌وه‌ خۆکوژیه‌که‌ یاخیبوان ته‌قه‌یان له‌ بنکه‌که‌ی هێزه‌کانی هاوپه‌یمان کردووه‌.
تاڵیبان به‌رپـرسیارێتی خۆی له‌ هێرشه‌که‌ ڕاگه‌یاند.