Accessibility links

له‌ ئه‌نجامی زنجیره‌یه‌ک ته‌قینه‌وه‌ له‌ حه‌له‌ب 48 که‌س ده‌کوژرێن


چوار ته‌قینه‌وه‌ که‌ پـێده‌چێت به‌ هه‌ماهه‌نگی کرابن ئه‌مڕۆ چوارشه‌ممه‌ شـاری حه‌له‌بی هه‌ژاند له‌و به‌شه‌ی له‌ ژێر ده‌سـتی هێزه‌کانی حکومه‌تدایه‌. له‌ ئاکامدا به‌ ده‌یان که‌س کوژران و نزیکه‌ی 100 که‌سی دیکه‌ برینداربوون. هه‌روه‌ها بوونه‌ مایه‌ی وێرابوونی یانه‌یه‌کی ئه‌فسه‌رانی له‌شـکر و ئوتێلێـک.
کۆمه‌ڵه‌کانی ئۆپـۆزسیۆن ده‌ڵێن به‌ لایه‌نی که‌م 48 که‌س کوژراون و زۆربه‌یان له‌ هێزه‌کانی حکومه‌ت بوون، به‌ڵام ده‌زگاکانی ڕاگه‌یاندنی حکومه‌تی سوریا ده‌ڵێن زیانه‌ گیانیـیه‌کانی ئاکامی ئه‌و ته‌قینه‌وانه‌ 31 که‌س بووه‌.
هه‌ردوولایان ده‌ڵێن سێ له‌ ته‌قینه‌وه‌کان ئۆتۆمبیلی بۆمبڕێژکراوبوون که‌ له‌ گۆڕه‌پانی سه‌عدوڵـڵا ئه‌لجابری ته‌قێنراونه‌ته‌وه‌ له‌ نزیک ئوتێلێـک وه‌ک دانیشـتوان ده‌ڵێن ئه‌ندامانی هێزه‌کانی حکومه‌تی لێ‌دابه‌زیون‌. ته‌قینه‌وه‌ی چواره‌م له‌ نزیـک ژووری بازرگانی شـاره‌که‌دا بووه‌.
XS
SM
MD
LG