Accessibility links

له‌ زنجیره‌یه‌ک هێرش له‌ ناوه‌ڕاستی عێراق 9 که‌س ده‌کوژرێن


ئه‌مڕۆ سێشه‌ممه‌ زنجیره‌یه‌ک هێرش له‌ ناوه‌ڕاستی عێراق بوونه‌ته‌ مایه‌ی کوژرانی 9 که‌س و برینداربوونی 13 که‌سی دیکه‌.
کاربه‌ده‌سـتانی پـۆلیس ده‌ڵێن ژماره‌یه‌ک له‌و هێرشانه‌ کراونه‌ته‌ سه‌ر چه‌ند خاڵێـکی پـشـکنینی پـۆلیس و له‌شـکر له‌ ڕۆژهه‌ڵات و باشوری ڕۆژئاوای به‌غدای پایته‌خت و له‌ ئاکامدا 2 پـۆلیس و سه‌ربازێـک کوژراون و 6 که‌سی دیکه‌ له‌ هێزه‌کانی حکومه‌ت برینداربوون.
له‌ ڕۆژئاوای به‌غداش کۆمه‌ڵێـک چه‌کداری نه‌ناسراو له‌ نێو ئۆتۆمبیلێـکه‌وه‌ به‌ ده‌مانچه‌ی بێ ده‌نگ ته‌قه‌یان له‌ ئۆتۆمبیلی ئه‌فسه‌رێـک به‌ پـله‌ی عه‌مید کردووه‌ و سه‌رئه‌نجام ئه‌فسه‌ره‌که‌ و شۆفێره‌که‌یان کوشـتووه‌.
له‌ شـارۆچکه‌ی فه‌لـلوجه‌ی ڕۆژئاوای به‌غداش ئۆتۆمبیلێـکی بۆمبڕێژکراو به‌ هێزێـکی گه‌ڕۆکی پـۆلیسدا ته‌قیوه‌ته‌وه‌ و بووه‌ته‌ مایه‌ی کوژرانی 2 پـۆلیس و برینداربوونی 7 ی دیکه‌. له‌ تاڕمیـیه‌ش هه‌ر له‌ ڕۆژئاوای به‌غدا ئۆتۆمبیلێـکی بۆمبڕێژکراو له‌ نزیک بنکه‌یه‌کی پـۆلیسدا ته‌قیوه‌ته‌وه‌ و له‌وێش 2 که‌س کوژراون.
XS
SM
MD
LG