Accessibility links

فه‌رمانده‌یه‌کی ئێران: ناهێڵین ئیسرائیل و ئه‌مه‌ریکا له‌ ناکاو هێرش بۆ سه‌ر هێزه‌کانمان به‌رن


فه‌رمانده‌ی هێزی ئاسـمانی سوپای پاسدارانی ئێران سه‌رتیپ ئه‌میر حاجی زاده‌ ده‌ڵێت ئه‌گه‌ر بێت و بۆمان ئاشکرابێت ئسرائیل و ئه‌مه‌ریکا له‌وه‌دان هێرش بکه‌نه‌ سه‌ر ئێران، ئه‌وا ڕێگه‌ ناده‌ین له‌ ناکاودا هێرش بۆ سه‌ر هێزه‌کانمان به‌ره‌ن.
حاجی زاده‌ له‌ میانه‌ی چاوپـێکه‌وتنێـکدا له‌گه‌ڵ که‌ناڵی ئه‌لعالمی ئێران ئه‌مه‌ی ڕاگه‌یاند و گوتی کاردانه‌وه‌ی ئێران به‌ جۆرێـک ده‌بێت که‌ ئیسرائیل پـێشبینی ناکات.
ئاماژه‌ی به‌وه‌ش کرد هێرشی سه‌ر ئێران ته‌نها ئیسرائیل بیکات یان ئه‌مه‌ریکا، ئه‌وا لای ئێران هه‌ردووکیان به‌رپـرسیارن، چونکه‌ هیچ کامیان به‌ سه‌ربه‌خۆ ئه‌و بڕیاره‌ نادات.
گوتیشی ئه‌گه‌ربێت و شه‌ڕ هه‌ڵبگیرسێت، ئه‌وا وڵاتانی ناوچه‌که‌ ناتوانن بێ لایه‌نی خۆیان ڕابگه‌یه‌نن، وه‌ ئه‌و بنکه‌ له‌شـکریـیانه‌ی ئه‌مه‌ریکا که‌ له‌ به‌حره‌ین و قه‌ته‌ر و ئه‌فغانستانن ده‌که‌نه‌ نیشـانه‌. هه‌روه‌ها گوتی دور نیـیه‌ ئه‌و شه‌ڕه‌ ئه‌گه‌ر هاتوو ڕووی دا بـبێته‌ شه‌ڕی جیهانی سێـیه‌م.
XS
SM
MD
LG