به‌له‌مێـکی په‌نابه‌ران له‌ نزیک که‌ناره‌کانی تورکیا نوقم ده‌بێت و 58 که‌س گیانیان له‌ده‌سـتده‌ده‌ن

کاربه‌ده‌سـتانی تورکیا ده‌ڵێن به‌ لایه‌نی که‌م 58 که‌س گیانیان له‌ ده‌سـتداوه‌ کاتێـک به‌له‌مێـک که‌ په‌نابه‌ری نایاسایی هه‌ڵگرتبوو له‌ نزیک که‌ناره‌کانی ڕۆژئاوای وڵاته‌که‌یانه‌وه‌ نوقمی ئاو بووه‌.
بڕواده‌کرێت به‌له‌مه‌که‌ نیازی هه‌بووبێت به‌ره‌و که‌ناره‌کانی ئه‌وروپا بڕوات، به‌ڵام به‌ره‌به‌یانی ئه‌مڕۆ پـێـنجشه‌ممه‌ له‌ دوری ته‌نها 50 مه‌تر له‌ که‌ناره‌کانی تورکیاوه‌ خۆی به‌ به‌رددا کێشاوه‌ و نوقم بووه‌.
ڕاپـۆرته‌ سه‌ره‌تایـیه‌کان ده‌ڵێن 46 که‌س ڕزگاکراون که‌ ژماره‌یه‌کیان خه‌ڵـکی عێراق و سوریان.
هه‌روه‌ها 2 که‌سیش ده‌سـتگیرکراون و گه‌ڕان به‌ دوای قوربانیـیه‌کاندا به‌رده‌وامه‌.